Qazaqstandyq boksshy Batyr Júkembaev (18-0, KO) pýertorikandyq Sabriel Matiske (16-1, 16 KO) qarsy jekpe-jek ótkizdi, dep habarlaidy "Ult aqparat" Sports.kz saityna silteme jasap.
Batyr Júkembaev nokdaýn alyp, mansabynda alǵash ret ýaqytynan erte jeńildi.
Olar ringke Karsondaǵy (AQSh, Kaliforniia shtaty) boks keshinde shyqty. Aiqas on eki raýndqa josparlanǵan bolatyn, alaida qazaqstandyq toǵyzynshy raýndqa shyqpady. Tórtinshi raýndta boksshy nokdaýn aldy.
Osylaisha, Matias kásibi mansabyndaǵy 17-shi jeńiske jetti, al Júkembaev birinshi ret jeńilis tapty. Jekpe-jek Halyqaralyq boks federatsiiasy (IBF) uiymdastyrǵan mini-týrnirdiń aiasynda ótti. Jeńimpaz endi ekinshi «jartylai finaldyń» jeńimpazymen kezdesýi kerek. Onda britandyq boksshy Liýis Ritson (21-1, 12 KO) men argentinalyq Heremias Ponse (17-0, 17 KO) aiqasady. Odan keiin eki jekpe-jek jeńimpazdary ózara aiqasyp, IBF nusqasy boiynsha birinshi orta salmaqtaǵy álem chempiony titýlyna resmi úmitkerdi anyqtaidy.
