Qazaqstandyq kásipqoi boksshy, ekinshi orta salmaqta WBC Asia, WBA International jáne WBO Global titýlynyń iegeri Aidos Erbosynuly (13-0, 9KO) 28 naýryzda Kanadanyń Kvebek qalasynda ótetin boks keshinde óner kórsetedi, dep habarlaidy "Ult aqparat".
«Onyń qarsylasy – 35 jastaǵy jergilikti boksshy Tim Kronin. Aiqas 10 raýndqa eseptelgen. Jekpe-jektiń ótetinin Suleimen Promotions kompaniiasy resmi túrde jariialady. Osylaisha Aidos Erbosynuly Kanadada debiýttik jekpe-jegin ótkizgeli otyr», - dep habarlaidy Qazaqstan kásipqoi boks federatsiiasynan.
Dál osy kúngi boks keshinde Jánibek Álimhanuly ganalyq Issa Samirmen (18-0, 15KO) ózara myqtyny anyqtaidy. Keshtiń basty kezdesýi jartylai aýyr salmaqtaǵy álem chempiony Artýr Beterbiev (15-0, 15KO) pen qytailyq Fanlýn Menniń (16-0, 10KO) teketiresi bolmaq.
Aita ketsek, ekinshi orta salmaqta ataǵy aspandap kele jatqan qazaqstandyq kásipqoi boksshy Aidos Erbosynuly (13-0, 9KO) Búkilálemdik boks keńesiniń (WBC) reitinginde kórsetkishin edáýir jaqsartqan bolatyn.
