2018 jyl Qyzylorda óńirinde «Jappai kásipkerlikti damytý jyly» retinde jariialanǵan bolatyn. Oblystaǵy jappai kásipkerlikti damytý máselesiniń mańyzdylyǵyn esepke ala otyryp, merzimi 3 jylǵa deiin uzartyldy. Bul týraly kásipkerlik salasynyń damýy men kásipkerlik salasynyń ózekti máselelerin talqylaý maqsatynda ótken jiyn otyrysynda belgili boldy.
2018 jyldyń 1 tamyz kúni oblys ákimi Q.E. Kósherbaevtyń tóraǵalyǵymen oblysta jariialanǵan «Jappai kásipkerlikti damytý jyly» aiasynda «Kásipkerler úiin» tanystyrý, kásipkerlik salasynyń damýy men kásipkerlik salasynyń ózekti máselelerin talqylaý maqsatynda jiyn otyrysy ótkizildi.
Atalǵan jiyn otyrysyna oblystyq máslihat, «Nur Otan» partiiasynyń aktivi, Qoǵamdyq keńes, qala jáne aýdan ákimdikteri, barlyq múddeli memlekettik organdar, qarjy institýttary, óńirlik kásipkerler palatasy men biznes-qaýymdastyq ókilderi qatysty.
Aita ketý qajet, aimaq basshylyǵy árdaiym barlyq deńgeidegi atqarý organdarynyń basshylyǵyna salyq bazasyn ulǵaitý, turaqty jumys oryndaryn qurý jáne qoǵamdyq-saiasi ahýaldy turaqtandyrý mindetterin kásipkerlikti damytý arqyly sheshýdi erekshe mán berýdi talap etýde.
Atalǵan mindetterge qol jetkizý maqsatynda jyl basynda oblys ákimdiginiń, oblystyq máslihattyń, «Nur Otan» partiiasy Saiasi keńesiniń, oblystyq qoǵamdyq keńestiń jáne Qyzylorda oblysy kásipkerler palatasynyń birlesken sheshimimen 2018 jyl óńirde «Jappai kásipkerlikti damytý jyly» retinde jariialanǵan bolatyn.
Bul sheshimdi jaqynda ótkizilgen máslihattyń sessiiasynda óńirde jappai kásipkerlikti damytý, jumyssyzdardy jumyspen qamtý máselesin sheshý, shaǵyn jáne orta biznestiń jalpy óńirlik ónimdegi úlesin ulǵaitý maqsatynda oblys ákimdiginiń jáne máslihattyń, «Nur Otan» partiiasy filialynyń, qoǵamdyq keńes pen kásipkerler palatasynyń birlesken sheshimi negizinde 3 jylǵa uzartyldy. Iaǵni, 2018-2020 jyldar syr óńirinde «Jappai kásipkerlikti damytý jyldary» retinde ótedi.
Oblys ákimi kásipkerlikti qoldaý jyldarynda birlesken jumystyń oń nátijelerge qol jetkizý joldaryn atap ótti.
Jiyn aldynda «Kásipkerler úii» tanystyryldy.
Munda bolashaq jáne óz isterin bastaǵan kásipkerler úshin barlyq qolaily jaǵdailardy jasaý maqsatynda oblystyq kásipkerlik jáne týrizm basqarmasy, «Qyzylorda» Óńirlik investitsiialyq ortalyǵy, Kásipkerlerge qyzmet kórsetý ortalyǵy, «Jobalarǵa saraptama júrgizý ortalyǵy» JShS-i, Óńirlik kásipkerler palatasy, «Tsesnabank» AQ-yQyzylorda filialy jáne ózge de mekemeler ornalastyrylǵan.
Jalpy biznes ortalyq múmkindigi shekteýli azamattar úshin de yńǵaily pandýs jáne liftpen jabdyqtalǵan. Ǵimaratta ártúrli seminarlar, dóńgelek ústelder, forýmdar, iskerlik kezdesýler men túrli taqyryptar boiynsha is-sharalar ótkizýge arnalǵan 3 májilisi zaly bar.
