Foto: NUR.KZ
Almatyda uiymdasqan qylmystyq top kásipkerlerdi qorqytyp kelgen. Qarjy monitoringi agenttigi ókili Qospaevtyń isi boiynsha mán-jaidy aitty, - dep habarlaidy Tengrinews.kz saity vedomstvonyń baspasóz qyzmetine silteme jasap.
QMA Qospaev pen onyń senimdi tulǵalaryna qatysty uiymdasqan qylmystyq topty qurý jáne oǵan qatysý deregi boiynsha sotaldy tergep-tekserýdi tirkedi.
"UQT-nyń 11 qatysýshysy boldy. Onyń beseýi qamaýǵa alyndy, al altaýy, onyń ishinde uiymdastyrýshy Eldos Qospaev izdestirilip jatyr. Eske salaiyq, qylmystyq top Almaty qalasynyń kásipkerlerin uzaq ýaqyt qorqytyp kelgen. UQT zorlyq-zombylyq kórsetý men qaýip tóndirý arqyly kásipkerlerdiń múlkin tartyp alyp, olardyń kompaniialardaǵy úlesterin alyp otyrǵan, osylaisha, kóleńkeli biznespen ainalysqan", - delingen qarjy monitoringi agenttigi habarlamasynda.
2019 jylǵy 4 naýryzda Almatyda Qospaev sybailastarymen birge biznesti damytýǵa 160 million teńge salǵan Profit Trade Ltd JShS ielerin úlestiń 40 paiyzyn Imashevqa, iaǵni qylmystyq toptyń belsendi múshesine berýge májbúr etken.
"Burynǵy basshylardy basqarmadan shettetip, UQT músheleri qujattardy qoldan jasaý arqyly úlestiń qalǵan 35 paiyzyn ielendi. Kompaniia ishimdik ónimderin kóterme satýmen ainalysty jáne turaqty tabys tapty. 2020 jylǵy 30 shildede Qospaevtyń qylmystyq toby biznesine 400 million teńgeden asa investitsiia salǵan Azovita Aktay JShS jáne Azovita Atyray JShS menshik iesin kásiporyndardyń jarǵylyq kapitalynyń 100 paiyz úlesin óteýsiz berýge májbúr etti", - delingen vedomstvo habarlamasynda.
Aitylǵan kompaniialardy baqylaýǵa alǵannan keiin Qospaev bastaǵan UQT olardy Almaty, Atyraý, Qostanai, Mańǵystaý oblystarynda, sondai-aq, Almatyda ishimdik ónimderin zańsyz satý boiynsha qylmystyq iste qoldana bastaǵan.
"Qospaev pen ol qurǵan UQT músheleri tabysty kásiporyndardy tartyp alýdy jalǵastyrǵan. 2021 jylǵy shildede UQT Qapshaǵai sý qoimasyndaǵy Kapchagai Marina Slub JShS-ne tiesili eki million dollarlyq demalys aimaǵyn kúshpen iemdendi.
Sonymen qatar, Qospaev óziniń senimdi músheleri, UQT arqyly Almatynyń eń bedeldi aýdandarynyń birinde "Esentai Siti" turǵyn úi kesheniniń qurylysyn salatyn AV-Construction JShS úlesiniń 75 paiyzyn ielengen. Qalǵan 25 paiyzy belgili kásipker Ábdiǵapparovqa tiesili boldy. Ol 2016 jyly JShS atynan turǵyn úi qurylysyna 31 gektar jer ýchaskesin satyp aldy", - delingen vedomstvonyń baspasóz qyzmetiniń habarlamasynda.
"Qospaev pen onyń sybailastary jeke baiý maqsatynda ózderiniń týystaryna páterler men kommertsiialyq úi-jailardy rásimdeý arqyly JShS múlkin urlaǵan. 2018 jylǵy qazannan bastap Qospaev pen uiymdasqan qylmystyq top músheleri Babaev, Ábijanov, Tanashev, Kýdriashova jáne t.b. úsh jer ýchaskesin, 20 qyzmettik úi-jaidy jáne 113 páterdi iemdenip alǵan", - delingen habarlamada.
Resmi málimet boiynsha, 4,6 milliard teńge kóleminde shyǵyn keltirilgen.
"Qospaev seriktestik múlkin urlaýǵa qatysty ortaq menshik iesi Ábdiǵapparovtyń tarapynan qandai da bir talaptardy boldyrmaý úshin onyń anasy S.Júnisbekovanyń atyna rásimdelgen 25 paiyz úlesin ielenýdi uiǵarǵan.
Ábdiǵapparovty ustap, qamaýǵa alý arqyly uiymdasqan qylmystyq top músheleri onyń qart anasy Júnisbekovaǵa qysym kórsetken. Osylaisha, olar AV-Construction JShS-degi úlesin berse, onyń ulyna kómektesýge ýáde bergen. Uiymdasqan qylmystyq top músheleriniń shabýylyna tótep bere almai, uly úshin qoryqqan Júnisbekova kompaniiadaǵy óz úlesin bergen", - delingen habarlamada.
Resmi derekterge sáikes, tergeý aiasynda uiymdasqan qylmystyq toptyń qylmystyq jolmen tabylǵan múlki tárkilengen. Onyń ishinde 133 jyljymaityn múlik nysany, 11 jer ýchaskesi, 35 premiým klastaǵy kólik jáne 9 million dollar qolma-qol aqsha bolǵan.
"Sonymen qatar, Almaty oblysynda Qospaev esh qujatsyz bassein, jattyǵý zaly bar sándi saiajai turǵyzǵan. Sondai-aq, ol jerde asyltuqymdy jylqylar ósirgen, jabaiy janýarlar, iaǵni arystandar, aiýlar bar haiýanattar baǵyn ustaǵan.
Odan bólek, osy úi qyzmetkerin uiymdasqan qylmystyq top músheleri 2018-2021 jyldar aralyǵynda birneshe ret zorlaý deregi boiynsha material ishki ister organdaryna ótkizildi", - dedi Qarjy monitoringi agenttigi ókilderi.
Reiderlik shabýyldar boiynsha sotaldy tergeý jáne uiymdasqan qylmystyq topqa qatysy bar adamdardy anyqtaý jumysy jalǵasyp jatyr.
