Qazaqstanda bank komissiiasy jáne fiskaldyq derekter operatorlarynyń qyzmetterine aqy tóleý joiylady. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy "Ult aqparat".
«Qashyqtan ózara árekettesýge negizdelgen iri biznestiń kóldeneń monitoringi boiynsha pilottyq joba bastaldy. Sonymen qatar, jeke tulǵalardyń múlki men jerine salynatyn salyqtar biriktirildi. Kóppáterli turǵyn úilerdiń menshik ieleri úshin jer salyǵy alynyp tastaldy. Jeke tulǵalardyń menshigine salyq tóleý yńǵaily bolý úshin «E-Salyq Azamat» mobildik qosymshasy iske qosyldy. POS-terminal men onlain-baqylaý kassalyq mashinasyn qoldanatyn jeke kásipkerlerdiń salyq eseptiligin usynýdan bosatý bóliginde «E-Salyq-business» qosymshasy ázirlenýde», - dedi Erulan Jamaýbaev.
Tutastai alǵanda ministr jeke kásipkerlerdi tirkeý men jabýdy ońailatý, salyq eseptiligin tapsyrýdy, bank komissiiasyn jáne fiskaldyq derekter operatorlarynyń qyzmetterine aqy tóleýdi alyp tastaý kózdelip otyrǵanyn aitty.
