QR Bas prokýratýrasy kásipkerler úshin memlekettik organdardyń tarapynan tekserýlerdiń zańdylyǵyn qalai anyqtaýǵa bolatyndyǵyn túsindirdi, dep habarlaidy QazAqparat.
QR Bas prokýrorynyń orynbasary Marat Ahmetjanovtyń aitýynsha, «Tekserýler sýbektileri men obektileriniń biryńǵai tizilimi» júiesi qadaǵalaý jedeldigi men biznesti zańsyz tekserýlerden qorǵaý úshin memlekettik baqylaý jáne qadaǵalaýdyń ashyqtyǵyn qamtamasyz etedi. Baǵdarlama biznesti baqylaýshylar tarapynan negizsiz qysymnan qorǵaýdyń negizgi quraýyshtarynyń biri bolyp sanalady.
2020 jyly osy júieniń kómegimen prokýrorlar memlekettik organdar zańsyz taǵaiyndaǵan 403 tekserýdiń jolyn kesti. Júie aiasynda «Qamqor» mobildi qosymshasy iske qosylǵan. Endi kásipkerler aldaǵy tekserýler týraly habarlamalar ala alady. Tekserýshi óz ókilettiginen tys shyqqan jaǵdaida prokýratýraǵa shaǵym bere alady.
Búgingi tańda qosymshany 110 myńǵa jýyq kásipker paidalanady.
