Oleg Pak. Foto: "Atameken" UKP
«Parasat» kásipkerler aliansynyń basqarma tóraǵasy Oleg Pak Ulttyq kásipkerler palatasymen aradaǵy daý týraly baiandady.
Ol bul týraly «Baitaq» jasyldar partiiasy men «Parasat» kásipkerler aliansynyń Astanada ótken baspasóz konferentsiiasynda tilshimizdiń suraǵyna jaýap berý kezinde aitty.
Eske salsaq, Oleg Pak byltyr Óńdeý ónerkásibi komiteti tóraǵalyǵynan óz erkimen ketip, "Qazhimpromnyń" komitet quramynan shyǵatynyn málimdegen. Aita keteiik, osyndai jaǵdai QR IIDM janyndaǵy "Adaldyq alańy" saraptamalyq keńesinde de boldy. Keńes Pakty "Indýstriialyq damý" sektsiiasy basshysynyń mindetterin oryndaýdan bosatý týraly buiryq shyǵarǵan.
ULT.KZ tilshisi Oleg Paktan: «Sizben «Atameken» kásipkerler palatasy men «Adaldyq alańy» eksperttik keńesine bailanysty daý týyndaǵany belgili. Sizdiń oiyńyzsha, nege bulai boldy? «Parasat» kásipkerler aliansynda oń nátije bolatynyna senimdisiz be? Nelikten Óńdeý ónerkásibi komiteti qaýymdastyǵynyń 11 múshesi UKP-ǵa sizdiń merziminen buryn bosatylýyńyz týraly aryz jazdy?» - dep suraǵan.
«Esterińizde bolsa «Adaldyq alańyn» ár ministrlikten qurǵan bolatyn. Men olardyń birine qatysqanmyn. Sóitsek, ol qurylymnyń qaýlysy da joq, zańsyz eken. Biraq biznes júrgizip, áldebir jinalystar ótkizip júrgen. Biz muny anyqtaǵasyn narazylyq tanytýymyzǵa týra keldi. Bul týraly Bolat ta (Palymbetov, - red.), basqalar da biledi.
Ulttyq kásipkerler palatasyna keler bolsaq, men Ulttyq palatada 2014 jyly qurylǵan kezinen bastap jumys istedim. Óńdeý ónerkásibi komitetiniń quramynda boldym, 2023 jyly Albert Raý komitet tóraǵasy laýazymynan ketkesin men osy komitettiń tóraǵasy bolyp sailandym. Ol taǵaiyndalatyn emes, sailanatyn qyzmet. Meniń aldymdaǵy negizgi másele, Ulttyq palatany transformatsiialaý boldy. Sebebi, qazirgi ýaqytta, ókinishke qarai, Ulttyq palata biznestiń shoǵyrlanǵan pikirin emes, shaǵyn toptardyń múddesin qorǵaidy. Ózderińiz bilesizder, qazir 15-20 mlrd. teńgeni olar jarnadan jinaidy», - dedi ol.«Eshqandai transformatsiia bolmady»
"Atameken" UKP tóralqasynyń Óńdeý ónerkásibi komitetiniń burynǵy tóraǵasy, "Qazhimprom" ZTB basqarma tóraǵasy Oleg Paktyń pikirinshe "Atamekenniń" transformatsiiasy sátsiz aiaqtaldy.
«Bizde Raiymbek Batalov bastaǵan jańa qurammen transformatsiia júrgizemiz degen kelisimimiz bolǵan. Biraq bul másele únemi keri shegerilip, eshqandai transformatsiia bolmaitynyn bilgende, biz transformatsiiany ishinen júrgizbek boldyq. Men tóraǵa retinde túzetýlerdi prezidiýmǵa joldadym. Ókinishke qarai, ol jerde kedergiler boldy. Biz komitetterdiń keńesin jinadyq. Ol jerge basqarmany transformatsiia týraly esep berý úshin shaqyrdyq. Ókinishke qarai basqarma muny jaýapsyz qaldyrdy», - deidi O. Pak.
Sonymen qatar Oleg Pak komitet músheleri nelikten ústinen shaǵym túsirgenin aityp berdi:
«Búginde Ulttyq palata múshelik jarna esebinen jáne kóptegen uiymdarǵa qarajat tóleý arqyly olardyń beitaraptyǵyn satyp alady. Sol kezde osy rejim jumys istedi. Iaǵni, komitettegi 11 uiym qarsy shyqty. Biraq basa aitqym keletini, meni eshkim ornymnan alyp tastaǵan joq. Men birdeńe ózgertý múmkin emes ekenin túsingende óz erkimmen ornymdy bosattym. Ulttyq kásipkerler palatasynda tereń transformatsiia júrmei, bizneske ziianynan basqa paidasy joq», - deidi ol.
«Ulttyq palatanyń bolashaǵyn talqylaiyq»
Oleg Pak óz sózinde Ulttyq kásipkerler palatasy men «Parasat» kásipkerler aliansynyń aiyrmashylyǵyn aitty.
«Bizde negizgi sektor – ol óńdeý salasy. Al Ulttyq palata ókinishke qarai, óndirýshi sektor. Ekinshiden, biz mindetti múshelik jarna talap etpeimiz. Al Ulttyq palatada búgin biznes bolyp qurylsańyz, erteń jarna tóleisiz. Odan bólek UKP sizben sottasýy da múmkin», - degen O. Pak UKP tóraǵasy Raiymbek Batalovqa qarata bylai dedi:
«7 qarashada Ulttyq kásipkerler palatasynyń sezi ótedi. Osy rette Raiymbek Ánýarulyna eger ol rasymen de biznestiń múddesin qorǵaityn bolsa, «Parasat» aliansyn sezge shaqyryp, bizdiń sarapshylardyń óz oiyn aitýǵa ruqsat bersin. Sosyn Ulttyq palatanyń bolashaǵyn talqylaiyq», - deidi Alianstyń basqarma tóraǵasy.
«Kvotanyń bólinýinde ashyqtyq joq»
Onyń pikirinshe, qazirgi ýaqytta eldegi munai óndirýshi kompaniialar arasynda munai eksportyna kvotanyń bólinýinde ashyqtyq joq.
«Iaǵni, onyń bir sebebi – jemqorlyq. Sosyn, reiderlik týraly shaǵymdar bar. Eksport baǵasy ishki naryqtan 3 ese joǵary. Oǵan qosa, ár túrli munai óńdeý zaýyttaryna munai óńdeý baǵasy ártúrli», -deidi ol.
Oleg Paktyń sózinshe, bul faktilerdi Básekeni damytýdy qorǵaý agenttigi anyqtaǵan jáne Alians agenttikpen birigip, munai eksportyna kvotanyń bólinýi protsessin ashyq ótkizý boiynsha túzetýler daiyndap jatyr.
Al «Aliansta qazirgi ýaqytta munaidy bólýge qatysty narazy jer qoinaýyn paidalanýshylardyń shaǵymdary bar ma?» - degen suraǵymyzǵa «Parasat» aliansynyń basqarma tóraǵasy bylai jaýap berdi:
«Olar qupiia. Sebebi, ondai shaǵym bolǵannyń ózinde olar qorqady. Munyń bári ashyq júrmegendikten, kez kelgen sheneýnik búgin ishki naryqqa 80 paiyz júktegen bolsa, erteń 100 paiyz júkteýge májbúrleidi. Sondyqtan mundai hattar bar. Kóbi ol týraly aýyzsha aitady», - dedi «Parasat» kásipkerler aliansynyń basqarma tóraǵasy Oleg Pak.
