Nur-Sultan qalasy boiynsha sybailas jemqorlyqqa qarsy qyzmet jańa biznes-ideialardy iske asyrýǵa bólinetin shaǵyn kásipkerlik sýbektilerine nysanaly grant berýge monitoring jasady, dep habarlaidy QazAqparat.
Monitoring qorytyndysy boiynsha grant kóbine jumys ornyn qamtamasyz etpeitin jáne naryqta ekonomikalyq belsendilik tanytpaityn kásipkerlerge beriletini anyqtaldy.
Desek te atalǵan eki talap biznesti qarjylandyrýdyń negizi kózi ekeni anyq.
«Sonymen qatar, grant alǵannan keiin birqatar kásipkerler shtat sanyn múldem qysqartyp tastaǵany anyqtaldy», - dep habarlady QR Sybailas jemqorlyqqa qarsy is-qimyl agenttiginiń Nur-Sultan boiynsha departamenti preventsiia basqarmasynyń basshysy Marat Hairýllin «Atameken» kásipkerler palatasynyń qalalyq filialynda ótken kezdesýde.
Odan bólek, basqarma basshysy monitoring aiasynda ázirlengen usynystar shara qabyldaý úshin ýákiletti organdarǵa jiberilgenin aitty.
