Ol palata bul máseleni Densaýlyq saqtaý ministrligimen pysyqtaýǵa daiyn ekenin málimdedi, sebebi negizgi mindet "kásipkerlerge qatysty zańbuzýshylyqtarǵa, tekserýshiler men monitoringtik toptar tarapynan ókilettilikti teris paidalanýǵa jol bermeý".
Sonymen qatar, "Atameken" Bas prokýratýradan Ákimshilik quqyq buzýshylyq týraly kodekstiń 425 jáne 462-baptarynda vaktsina almaǵan qyzmetkeri úshin jaýapqa tartý qarastyrylmaǵany týraly resmi jaýap aldy.
"ÁQBtK-niń 462-baby 3-bóligine sáikes sýbekt ózine zańdy negizde berilgen sanitariialyq-epidemiologiialyq baqylaý qyzmetkerleriniń aktisin oryndamaǵany úshin jaýapqa tartylýy múmkin. SEK aktileri olar tekseris júrgizgen jaǵdaida berilýi múmkin. Kásipkerlik kodeksiniń 143-baby 3-tarmaǵyna sáikes tekserý paraqtarynda belgilengen talaptar ǵana tekseris jáne baqylaý sýbektisine (nysanyna) barý arqyly kásibi baqylaý men qadaǵalaýǵa jatady. Halyqtyń sanitariialyq-epidemiologiialyq salamattylyǵy salasyndaǵy tekseris paraqtarynda vaktsina alǵany siiaqty talaptar qamtylmaidy", - delingen vedomstvonyń resmi hatynda.
"Osylaisha kásibi baqylaý nemese tekseris júrgizý úshin quqyqtyq negizder joq. Sondai-aq, ÁQBtK-niń 425-baby boiynsha ákimshilik jaza qoldanýǵa negiz joq, óitkeni bas memlekettik sanitariia dárigerdiń qaýlysy normativtik quqyqtyq akt bolyp tabylmaidy jáne zańnamaǵa qoldanylmaidy. Muny UKP Bas prokýratýrada rastady", - dedi Óstemirov.
Monitoringtik toptarǵa keletin bolsaq, UKP málimetinshe, olar tek bes kriterii boiynsha tekserýge quqyly: jumys rejimi; otbasylyq, estelik is-sharalardy (banketter, úilený toilary, mereitoilar, eske alý) jáne adamdar kóp jinalatyn basqa da is-sharalardy shekteýdi talap etý; áleýmettik araqashyqtyq; maska taǵý rejimi; kelýshiler sany normadan asyp ketý.
"Qyzmetkerlerdi vaktsinalaý monitoringtik top músheleriniń tekserýine jatatyn máseleler tizbesine kirmeidi. Monitoringtik toptar tarapynan vaktsinatsiia boiynsha reidter júrgizý de zańnamaǵa sáikes kelmeidi. Sonymen qatar, jumys oryndarynda vaktsina almaý derekteri anyqtaýdyń biryńǵai tásilderiniń (algoritminiń) bolmaýy sybailas jemqorlyq týdyrýy múmkin. Eger siz zańsyz tekserýge tap bolsańyz, kásiporyndarda vaktsina almaǵan qyzmetkerler bolǵany úshin aiyppul salynsa birden kásipkerler palatasyna nemese prokýratýraǵa habarlasyńyz", - dep tolyqtyrdy UKP tóraǵasynyń orynbasary.
Aita keteiik, Qazaqstanda vaktsinatsiiaǵa tekseris 1 qyrkúiekte bastalady. Tekserý algoritmin Densaýlyq saqtaý ministrligi men basqa da memlekettik organdar ázirlep jatyr. Keiin ol Vedomstvoaralyq komissiia qaraýyna engiziledi, túpkilikti sheshim sol jerde qabyldanady.
Budan bólek, Densaýlyq saqtaý ministrligi tekserý kezinde aiyppuldar QR ÁQBtK-nyń 425-baby 1-bóligi boiynsha - halyqtyń sanepidflagalatsiiasy salasyndaǵy zańnama oryndalmaǵan jaǵdaida jáne QR ÁQBtK-nyń 462-baby 3-bóligi boiynsha - halyqtyń sanepidblagalatsiiasy salasyndaǵy laýazymdy tulǵalardyń qaýlylary men nusqaýlary oryndalmaǵan jaǵdaida salynýy múmkin ekenin habarlaǵan bolatyn.
Sanepidbaqylaý komitetiniń resmi ókiliniń aitýynsha, vaktsina almaǵan qyzmetkerlerge qandai bap boiynsha aiyppul salynatyny zańbuzýshylyqtyń sanatyna bailanysty. Sheshim naqty isterdi qaraý kezinde qabyldanady.
