QR BǴM Bilim jáne ǵylym salasyndaǵy baqylaý komitetiniń tóraǵasy Gúlzat Kóbenova ýniversitetterde bilim berýdi dástúrli formatqa aýystyrýǵa qatysty pikir bildirdi, dep habarlaidy "Ult aqparat".
«Dástúrli formatqa aýysý boiynsha Densaýlyq saqtaý ministrligi óz tarapynan tiisti sheshimdi qabyldaidy. Bul másele epidemiologiialyq jaǵdaiǵa bailanysty. Eger tiisti ruqsat bolsa, onda joǵary oqý oryndary qýana-qýana dástúrli formatqa kóshedi», - dedi komitet basshysy Ortalyq kommýnikatsiialar qyzmetinde.
Aita keteiik, Gúlzat Kóbenova qashyqtan oqytý kezinde keibir JOO-lar akademiialyq saiasatyn durys júrgizbeitindigin málim etti.
Budan buryn habarlanǵandai, QR Bilim jáne ǵylym vitse-ministri Miras Dáýlenov 18 qańtardan bastap 1 kýrs stýdentteri kóbinese dástúrli formatta oqi bastaitynyn aitqan edi.
Qazaqstanda 128 joǵary oqý orny jumys isteidi. Bilim alýshylardyń kontingenti – 619 861 adamdy quraidy.
