QR BǴM Bilim jáne ǵylym salasyndaǵy baqylaý komitetiniń tóraǵasy Gúlzat Kóbenova qashyqtan oqytý kezinde keibir JOO-lar akademiialyq saiasatyn durys júrgizbei keletinin aitty, dep habarlaidy QazAqparat.
«Qazirgi kezde joǵary oqý oryndary qashyqtan bilim berip jatyr. Tekserý barysynda qashyqtan oqytý kezinde de sabaq bolmai jatqanyn baiqadyq. Keibir joǵary oqý oryndary ózderiniń akademiialyq saiasatyn durys júrgizbei keledi. Stýdentter sabaqqa qatyspai-aq, nátijesinde emtihandy tapsyryp, baǵa alady. Sonda qandai maman shyǵady?», - dedi Kóbenova Ortalyq kommýnikatsiialar qyzmetinde.
Onyń aitýynsha, osyndai kemshilikter bolǵan jaǵdaida zańnamaǵa sáikes tiisti sharalar qabyldanady.
«Eń bastysy, joǵary oqý oryndarynyń maqsaty – akademiialyq derbestikti durys paidalana otyryp, zańnama talaptaryn oryndaý men sapaly bilimdi qamtamasyz etý», - dedi komitet basshysy.
Budan buryn habarlanǵandai, Gúlzat Kóbenova keibir joǵary oqý oryndarynda anyqtalǵan kemshilikterdi aitty.
