Almaty ákiminiń orynbasary Erjan Babaqumarov qalalyq Bilim basqarmasynyń basshysy Lázzat Jylqybaeva jáne Tsifrlandyrý basqarmasynyń basshysy Baian Qońyrbaevpen birge aýdandar basshylyǵymen oqý jylyna daiyndyqqa qatysty jinalys ótkizdi.
Talqylanǵan birinshi másele – oqýshylar men pedagogtardy qashyqtan oqý barysynda sapaly jáne joǵary jyldamdyqty internetpen qamtamasyz etý boldy.
«Buǵan deiin júrgizilgen saraptama jáne tehnikalyq diagnostikalaý qorytyndysy boiynsha internet jáne uialy bailanys ótkizgishtigi tómen 169 oryn anyqtalǵan bolatyn. Búgingi tańda 141 núkte boiynsha jumystar aiaqtaldy, qalǵandary boiynsha jumys jalǵasýda. Sonymen birge, qańtar aiynan búgingi kúnge deiin mobildi bailanys operatorlary Almaty qalasy boiynsha osyǵan deiin bolǵan bazalyq stantsiialar negizinde 164 núkte jańartyldy.
Osylaisha, qabyldanǵan sharalar qashyqtan oqytýdy sapaly jáne irkilissiz qamtamasyz etýge qajetti signal jyldamdyǵyn arttyrdy.
Sonymen birge, internetke qosylýǵa muqtaj 22 myńnan astam oqýshyǵa SIM-kartalar jáne roýterlar satyp alyndy», - delingen Óńirlik kommýnikatsiialar qyzmeti taratqan aqparatta.
Budan bólek, jinalys barysynda aýdan ákimdikteriniń baiandamalary tyńdaldy.
Búgin Almatyda balalardy1-synypqa qabyldaý aiaqtaldy. Biyl 27 myń oqýshy 1-synypqa barady. Pandemiia jaǵdaiynda oqý qashyqtan uiymdastyrylady. 1-2 synyp oqýshylary úshin kezekshi toptar jumys isteidi. Qashyqtan oqytýǵa tehnikalyq daiyndyqty qamtamasyz etý úshin 75 myńnan asa bala jáne 2,2 myń mektep muǵalimi kompiýterlermen qamtamasyz etiledi. Búgingi tańda tehnikanyń biraz bóligi berildi, qalǵan kompiýterlik quraldar 15 qyrkúiekke deiin tapsyrylady. Tiisti túsindirý jumystary aýdan ákimdikteri jelisi boiynsha júrgizilýde.
Onymen qosa, oqýshylardy oqý materialdarymen 100% qamtamasyz etý boiynsha jumystar júrgizilýde.Qashyqtan oqytýǵa jumyldyrylǵan muǵalimder quramy Bilimland.kz, Opiq.kz, Kundelik.kz, Microsoft.Teams siiaqty tsifrly saýattylyqtyń tiisti kýrstarynan ótti.
Almaty ákiminiń orynbasary Erjan Babaqumarov barlyq sanitarlyq-epidemiologiialyq talaptardyń qatań saqtalýynyń mańyzdylyǵyna erekshe nazar aýdardy. Jekelei alǵanda, oqýshylar aǵynyn baǵyttaý algoritmi, kezekshi toptar úshin qońyraýdyń differentsialdy kestesi, sanitaizerlermen jáne dezinfektsiialyq quraldarmen qamtamasyz etý, maska rejiminiń saqtalýyn baqylaý, dezinfektsiialyq óńdeý, aýany jeldetý jáne ózge máseleler kóterildi.
E. Babaqumarov aýdandyq bilim bólimderi jáne bilim berý mekemeleriniń birinshi basshylaryna balalar men muǵalimderdiń qaýipsizdigin qamtamasyz etýde árqaisysyna jeke jaýapkershilik júkteletinin eske saldy.
Aita keteiik, qalalyq Bilim basqarmasynyń jelisi boiynsha call-ortalyqtar qyzmet etedi:
- Alataý aýdany 8 702 671 9650;
- Almaly aýdany – 8 707 930 2005;
- Áýezov aýdany – 8 701 991 4875;
- Bostandyq aýdany – 8 702 459 0906;
- Medeý aýdany – 8 701 783 9483;
- Naýryzbai aýdany – 8 777 827 0580;
- Jetisý aýdany– 8 707 296 5560;
- Túrksib – 8 701 352 4873.
Sonymen birge, Orta bilim berý (mektepter) bóliminiń - 8 775 908 5598, tehnikalyq jáne kásibi bilim berý bóliminiń (kolledjder) - 8 707 549 5495 call-ortalyqtary jumys isteidi. Internattyq mekemelerdiń máseleleri boiynsha 8 747 878 8283 nómirine habarlasýǵa bolady.
