Kashmirde sońǵy úsh kún ishinde bolǵan tas pen topyraq syrǵymasy men kóshkin saldarynan 62 adam qaza taýyp, kóptegen adam iz-túzsiz joǵalyp ketti, dep habarlaidy "Ult aqparat" VVS-ge silteme jasap.
Ásirese, Nilým alqaby qatty zardap shekti (eki jaǵyn taý qorshaǵan 130 shaqyrymdyq ai pishindes jińishke alqap). Bul óńirde tabiǵi apat jii bolyp turady, degenmen osy jolǵy apat tarihtaǵy eń aýqymdysy bolyp otyr.
Pákistannyń basqa da bóligindegi ondaǵan adam, Úndistan men Aýǵanstan halqy qolaisyz aýa raiynyń qurbany boldy.
Kashmir qatty zardap shekken aýdandardyń biri: 62 adam qaza taýyp, birneshe adam iz-túzsiz joǵalyp ketti, delingen Pákistan ulttyq tabiǵi apatqa qarsy kúres basqarmasynyń habarlamasynda.
Pákistannyń Belýjistan provintsiiasynda, resmi málimetterge sáikes, 20 adam qaza tapty, sonyń ishinde 12 áiel jáne 7 bala bar.
Jergilikti BAQ-tyń deregi boiynsha, Úndistanda segiz adam mert bolǵan.
Resmi málimetterge sáikes, Aýǵanstanda sońǵy eki apta ishinde 24 adam qaza taýyp, 40 adam jaraqat alǵan. Qatty zaqymdalǵan provintsiialarǵa Gilmend, Kandagar, Gerat jáne Kabýl kiredi. Munda qutqarý jumystary júrgizilýde.
Pákistan biligi VVS-ge habarlaǵandai, Nilým alabynda tas-topyraq kóshkini men syrǵymadan 59 adam qaza taýyp, 40 adam jaraqat alǵan. 100-den astam úi qiraǵan.
Politsiianyń málimetinshe, alapqa aparar joldardyń barlyǵy jabylyp qalǵan. Sondyqtan qutqarý komandalary onda bara almai jatyr.
