Nemis dárigerleri adamnyń qashan óletinin onyń qan analizine qarap anyqtai alady, dep habarlaidy Dailymail Maks Plank atyndaǵy biologiialyq qartaiý instiýtynyń akademikterine silteme jasap.
Ǵalymdar 18-109 jas aralyǵyndaǵy 44 myń adamǵa zertteý júrgizip, ólim qaýpin kórsetetin 14 qan biomarkerin anyqtaǵan.
"Zertteý jumysy 2 jyldan 16 jylǵa deiin jalǵasty. Osy ýaqyt aralyǵynda eksperimentke qatysqan 5 512 adam qaitys boldy. Ǵalymdar olardyń qan synamasynan metabolittik biomarkerlerdi izdedi. Bul kórsetkishter tiri júrgen adamdardan joǵary boldy. 14 biomarker ártúrli jastaǵy erler men áielderden tabyldy", - dep jazylǵan habarlamada.
Bul biomarkerler immýnittiń, gliýkozanyń, qabynýlar jáne taǵy basqanyń kórsetkishi bolyp otyr. Analiz jiyntyǵynyń qorytyndysy aldaǵy 10 jylda adam óletinin nemese ólmeitinin anyqtaýǵa kómektesedi. Zertteý jumysynyń naqtylyǵy – 83%.
Ǵalymdar zertteý qorytyndysy naýqasty emdegen kezde eskeriledi degen úmitte. Ázirshe, dárigerler arteriialyq qan qysymy men holesterin deńgeiine qarap adamnyń tek aldaǵy bir jylda ólip ketý qaýpin anyqtai alady. Odan kóp ýaqytqa boljam jasaý ǵalymdar úshin qiyn másele bolyp otyr.
