Prezident Qasym-Jomart Toqaev qyrýar qarjynyń igerilmei qalýyna jol berilmeýi tiis ekenin atap kórsetti. Bul týraly «Egemen Qazaqstan» jáne «Aiqyn» gazetterine bergen suhbatynda aitty.
«Biýdjet saiasatynda aldymyzǵa qoiylǵan naqty maqsattar, josparlar bar. Máselen, munai kiristerine táýeldilikti azaitýǵa, ulttyq qordyń aktivterin turaqtandyrýǵa jáne ony saqtaý isine basymdyq beriledi. Biýdjet qarjysy ekonomikalyq jaǵynan mańyzdy ári tabys ákeletin salalarǵa jumsalýy kerek. Barlyq sheshimder aldyn-ala jan-jaqty zerttelip, ekonomikalyq pragmatizm turǵysynda qabyldanǵany jón. Bul qarajattyń tiimdi jumsalýyna áser etedi. Biýdjet tapshy kezeńde qyrýar qarjynyń igerilmei qalýyna jol berilmeýi kerek», dedi Memleket basshysy «Egemen Qazaqstan» gazetiniń Basqarma tóraǵasy D.Qydyráliniń saýalyna bergen jaýabynda.
