Búgin ótken kezdesý aiasynda Qarjylyq monitoring agenttiginiń tóraǵasy Janat Elimanov pen Qazaqstan kásipkerleriniń quqyqtaryn qorǵaý jónindegi ýákil Rýstam Júrsinov ashyqtyq jáne ózara aqparat almasý qaǵidattary negizinde eldegi kásipkerlikti odan ári damytý boiynsha naqty áreketterdi talqylady, dep habarlaidy QazAqparat.
«Kóleńkeli ekonomika deńgeiin tómendetýge jáne kásipkerlik sýbektileriniń quqyqtary men zańdy múddelerin qorǵaýdy qamtamasyz etýge baǵyttalǵan birlesken bastamalardy iske asyrý josparlanýda», - delingen QR Qarjylyq monitoring agenttigi baspasóz qyzmetiniń málimetinde.
Qazirgi kezde agenttik adal biznesti qorǵaýǵa baǵyttalǵan birqatar keshendi sharalar qabyldady. Adal kásipkerlerdi qorǵaý úshin «Atameken» UKP-men ózara is-qimyl turaqty negizde júzege asyrylady. Kóleńkeli ekonomika deńgeiin tómendetý salasynda zańnamany jetildirý jáne quqyq buzýshylyqtardyń aldyn alýdy kózdeitin Jol kartasy ázirlendi.
Aýmaqtyq ekonomikalyq tergep-tekserý departamentteri osy tektes jumysty júrgizýge baǵyttalǵan.
«Osylaisha, kezdesýde taraptar ortaq kózqarasqa kelip, ekonomikanyń «kóleńkeli» sektorynda quqyq buzýshylyqtardy anyqtaý boiynsha tetikterdiń tiimdiligin arttyrýda tyǵyz ózara árekettesý týraly jáne biznestiń damýyna kedergi keltiretin júieli problemalardy joiý boiynsha birlesken kúsh-jigerdi salýǵa kelisti.
