Kollaj: egemen.kz
Grýziiada ustalǵan qarjy piramidasynyń basshysy Qazaqstanǵa jetkizildi, dep habarlaidy Bas prokýratýra.
Ustalǵan áiel 2018-2022 jyldary Astanada "World Busines Consulting" qarjy piramidasyn basqarǵan. Onyń óńirlerdegi bólimsheleri arqyly 6,5 mlrd teńgeden astam qarjy zańsyz tartylǵan.
Buǵan deiin piramidanyń birqatar qatysýshysy sottalǵan. Al basshysy shetelge qashyp ketken. Oǵan halyqaralyq izdeý jariialanǵan bolatyn.
"2025 jyldyń qarashasynda ol Grýziiada ustalyp, Qazaqstan Respýblikasy Bas prokýratýrasynyń suraýy boiynsha elge ekstraditsiialandy.Qazir kúdikti ýaqytsha ustaý izoliatoryna qamaldy", - deidi prokýrorlar.
Kúdiktini izdeýge Qarjy monitoringi agenttiginiń qyzmetkerleri de atsalysty. Olarǵa Qazaqstannyń Grýziiadaǵy elshiligi kómektesti.
Aita keteri, mundai qylmys úshin 12 jylǵa deiingi merzimge bas bostandyǵynan aiyrý jazasy qarastyrylǵan. Sottalǵan adamnyń múlki de tárkilenedi.
