كوللاج: egemen.kz
گرۋزييادا ۇستالعان قارجى پيراميداسىنىڭ باسشىسى قازاقستانعا جەتكٸزٸلدٸ, دەپ حابارلايدى باس پروكۋراتۋرا.
ۇستالعان ەيەل 2018-2022 جىلدارى استانادا "World Busines Consulting" قارجى پيراميداسىن باسقارعان. ونىڭ ٶڭٸرلەردەگٸ بٶلٸمشەلەرٸ ارقىلى 6,5 ملرد تەڭگەدەن استام قارجى زاڭسىز تارتىلعان.
بۇعان دەيٸن پيراميدانىڭ بٸرقاتار قاتىسۋشىسى سوتتالعان. ال باسشىسى شەتەلگە قاشىپ كەتكەن. وعان حالىقارالىق ٸزدەۋ جارييالانعان بولاتىن.
"2025 جىلدىڭ قاراشاسىندا ول گرۋزييادا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ەلگە ەكستراديتسييالاندى.قازٸر كٷدٸكتٸ ۋاقىتشا ۇستاۋ يزولياتورىنا قامالدى", - دەيدٸ پروكۋرورلار.
كٷدٸكتٸنٸ ٸزدەۋگە قارجى مونيتورينگٸ اگەنتتٸگٸنٸڭ قىزمەتكەرلەرٸ دە اتسالىستى. ولارعا قازاقستاننىڭ گرۋزيياداعى ەلشٸلٸگٸ كٶمەكتەستٸ.
ايتا كەتەرٸ, مۇنداي قىلمىس ٷشٸن 12 جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلعان. سوتتالعان ادامنىڭ مٷلكٸ دە تەركٸلەنەدٸ.
