"Qarjy piramidasyn qurdy" dep aiyptalǵan "Garant 24 Lombard" kompaniiasymen 42 myńnan astam salymshy kelisim shart jasasqan. Bul aqparatty búgin tergeý departamentiniń bastyǵy Sanjar Ádilov aitty, dep habarlaidy Azattyq.
Sanjar Ádilovtiń sózinshe, arnaiy tergeý toby qurylyp, Qylmystyq kodekstiń "Qarjylyq (investitsiialyq) piramida qurý jáne oǵan basshylyq etý" dep atalatyn 217-baby boiynsha "Garant 24 Lombard" kompaniiasy qyzmetkerleriniń ústinen 9 qylmystyq is qozǵalǵan, basshysyna izdeý jariialanǵan.
Tergeý departamenti bastyǵynyń sózine qaraǵanda, "2800 adam qarjy piramidasynan aqshasyn talap etip, politsiiaǵa aryz jazǵan".
Sońǵy aptada Qazaqstannyń túrli óńirinde qarjy kompaniialaryna salǵan aqshasy qaitara almai júrgenderdiń bilikten kómek surai bastaǵany baiqalǵan. Keshe 24 aqpanda tústen keiin Aqtóbede oblysy ákimdigi aldyna bir top adam jinalyp, "Gold", "Garant 24 Lombard", "Vygodnyi zaim" qarjy uiymdarynan aqshalaryn qaitarýǵa kómektesýdi suraǵan edi.
"Qarjy kompaniialaryna aldandyq" degen adamdar aqpannyń 21-ine Taraz, Nur-Sultan qalalarynda da aktsiia ótkizgen.
