Foto áleýmettik jeliden alyndy
Almatyda Mudarabah Capital qarjy piramidasymen bailanysty vainerlerdiń isine qatysty sot otyrysy qashan ótetini belgili boldy, - dep habarlaidy Tengrinews.kz portaly.
Qalalyq sottyń málimetinshe, qylmystyq is boiynsha sot 21 jeltoqsanda saǵat 15:00-de ótedi.
Eske salaiyq, 12 jeltoqsanda vainerler aiyptalǵan oqiǵa isi sotqa joldanǵan bolatyn.
Almaty prokýratýrasy uiymdasqan qylmystyq top quramynda qarjy (investitsiialyq) piramidasyn qurý jáne ony basqarý deregi boiynsha qylmystyq isti Almaty Almaly aýdandyq sotyna A.Qurmanǵaliev, R.Býrkanov, D.Rahimova, D.Cha, A.Rústemov, T.Kasenov, S.Kasenov, N.Sultanbaev, M.Sherniiazov, M.Tórebaev, B.Jarmuhamed, Erlan jáne Erjan Mansýrovtardy aiyptaý boiynsha qylmystyq isti sotqa joldady.
Is figýranttary A.Oraz ben A.Saidbaevqa halyqaralyq izdeý jariialandy.
Qylmystyq is aiasynda 41 jyljymaityn múlikke, 3 avtokólikke, 9 bank shotyna jáne 16 kompaniianyń jarǵylyq kapitalyndaǵy túrli úleske tyiym salyndy.
Is boiynsha aiyptaýdy protsestik prokýror qoldaidy.
