Qarjy piramidalary faktileri boiynsha osy jyldyń 8 aiynda 37 qylmystyq is qozǵaldy. Bul týraly QR QM Qarjy monitoringi komiteti Profilaktikalyq jumys jáne baqylaý basqarmasynyń asa mańyzdy ister boiynsha tergeýshisi Erden Juma aitty, dep habarlaidy QazAqparat.
«Qarjy piramidalary faktileri boiynsha osy jyldyń 8 aiynda 37 qylmystyq is qozǵaldy. 18 qarjy piramidasynyń zańsyz qyzmetiniń joly kesildi. Qazirgi ýaqytta osy fakilerge qatysty tergeý amaldary júrgizilip jatyr. Bul adamdar zardap shegip, aldanǵannan keiin qozǵalǵan faktiler sanalady. Jalpy adamdardyń kópshiligi quqyq qorǵaý organdaryna der ýaqytynda júginbeidi. Aqshalaryn «alamyn» degen úmitpen ýaqytyn joǵaltady. Qazirgi ýaqytta aldyn alý sharalaryna basa nazar aýdaryp otyrmyz. Osy baǵytta birqatar jumys jasalyp jatyr», - dedi ol Ortalyq kommýnikatsiialar qyzmetindegi baspasóz máslihaty barysynda.
Sonymen qatar ol qarjy piramidalarynyń jumysyn áleýmettik jelide jarnamalaǵan jandarǵa qandai jaza qoldanylatyndyǵyn aityp berdi.
«Jalpy Ákimshililik quqyq buzýshylyq kodeksiniń 150-baby boiynsha qarjy piramidalaryn jarnamalaǵany úshin ákishilik jaýapkershilik qarastyrylǵan. Biraq jumys jumys ishki ister organdarynyń quziretine kiredi. Al qarjy piramidalaryn qurý jáne ony basqarýǵa Qylmystyq kodekstiń 217-babynda tyiym salynǵan», - dedi Erden Juma.
Aita keteiik, qarjylyq (investitsiialyq) piramida qyzmetiniń jarnamasyn shyǵarý, taratý jáne ornalastyrý – úsh aiǵa deiingi merzimge buqaralyq aqparat quralynyń shyǵarylýyn (efirge shyǵýyn) toqtata turyp, jeke tulǵalarǵa – bir júz elý, laýazymdy adamdarǵa – bir júz jetpis, shaǵyn kásipkerlik sýbektilerine nemese kommertsiialyq emes uiymdarǵa – eki júz, orta kásipkerlik sýbektilerine – úsh júz, iri kásipkerlik sýbektilerine alty júz ailyq eseptik kórsetkish mólsherinde aiyppul salýǵa ákep soǵady.
