Qarjy piramidalary jyl sońyna qarai barlyq bonýstar men halyqtyń syiaqylaryn tartý úshin belsendiligin arttyra bastaidy. Kóbinese uiymdar qurylys jáne ártúrli biznes-jobalarǵa, kriptovaliýtaǵa, sondai-aq brokerlik kompaniialardyń aktsiialaryna investitsiialar túrinde qarajat tartýmen ainalysady, dep habarlaidy vedomstvonyń baspasóz qyzmeti.
Piramidalardyń kópshiligi internet-jobalar túrinde áreket etedi jáne saittar men áleýmettik jeliler arqyly jumys isteidi.
Agenttiktiń Pavlodar oblysy boiynsha aýmaqtyq departamenti qarjy piramidasynyń belgileri bar «Antares Limited» investitsiialyq kompaniiasyna qatysty qylmystyq isti tergeýde.
Kompaniia qyzmetkerleri azamattardyń qarajatyn investitsiialar boiynsha treningterótkizý arqyly tartyp otyrǵan.
Treningke qatysýshylar aqshalai qarajatty kompaniia qyzmetkeriniń «Kaspi Bank» kartochka shotyna aýdarǵan. Odan ári olar virtýaldy aqsha aýdarylǵan elektrondyq paraqty ashýǵa múmkindik alǵan.
Bul qarajatqa kúnine salym somasynyń 1% kólemindegi ýáde etilgen paidasy bar investitsiialyq paket satyp alyndy. Aqsha tek jańa salymshylarǵa paketter satý nemese qosymsha investitsiialyq paketter satyp alý arqyly shyǵarylyp otyrdy.
Sonymen qatar, jańa salymshyny tartqany úshin virtýaldy aqshamen tólengen salym somasynyń 1-den 5%- na deiingi syiaqy qarastyrylǵan.
Qazirgi ýaqytta sotqa deiingi tergeý amaldary júrgizilýde.
Qarjylyq monitoring agenttigi osyndai kúmándi jobalarǵa qatysýdan bas tartýǵa shaqyrady. Eger Siz nemese Sizdiń jaqyndaryńyz qarjy piramidasyna tartylǵan bolsa, +7 7172 708 478 senim telefonyna habarlasýyńyzdy suraimyz.
