QR Qarjy ministrligi zeinetaqy jinaǵyn jeke kompaniialardyń basqarýyna berý bastamasyn qoldap otyr. Buǵan deiin atalmysh bastamany QR Ulttyq banki kótergen bolatyn. Bul týraly Úkimettiń baspasóz ortalyǵynda ótken brifing barysynda Qarjy vitse-ministri Berik Sholpanqulov aityp berdi, dep habarlaidy QazAqparat tilshisi.
«Biz bul bastamany qoldap otyrmyz. Ol eń aldymen halyqtyń zeinetaqy aktivterin basqarý protsesinde senimdi arttyrýǵa baǵyttalǵan», - dedi Berik Sholpanqulov.
Vitse-ministr sonymen qatar, bul amal-ádis budan bes jyl burynǵy tájiribeden qandai aiyrmashylyǵy baryn túsindirip berdi. Aita ketsek, osydan bes jyl buryn da zeinetaqy aktivteri jeke kompaniialardyń basqarýyna berilgen bolatyn.
«Osydan bes jyl burynǵy tájiribe me dep surasańyzdar - joq. Bul jerde úleste bolý ádisi alynyp tastalady. Bes jyl buryn bankter men basqarýshy kompaniialar bir úleste bolǵan edi. Sáikesinshe, olardyń qarajaty da osy zeinetaqy jinaqtarynyń quryltaishysy retindegi bankke shoǵyrlandyrylǵan. Al atalmysh mehanizm boiynsha shyǵyndardyń bári qysqartylyp, basqarý protsesin jeńildetkimiz keledi», - deidi Berik Sholpanqulov.
