Foto: ashyq derekkóz
Qazaqstandyq sheneýnikterdiń ieliginde eń kóp jyljymaityn múlik ornalasqan el retinde Resei kósh bastap tur.
Qarjy ministrligi «Kýrsivke» habarlaǵandai, memlekettik qyzmetshiler men kvazimemlekettik sektor qyzmetkerleri, sondai-aq olardyń jubailary shetelde 2 877 úi, páter, jer ýchaskeleri men kommertsiialyq oryndardy deklaratsiialady, olardyń 77%-y Resei aýmaǵynda ornalasqan.
Ministrliktiń málimetinshe, memlekettik organdar men kvazimemlekettik kompaniialardyń 2 203 qyzmetkeri sheteldik múlikterin deklaratsiialady. Olardyń nemese jubailarynyń ieliginde 2 646 úi men páter, 217 jer ýchaskesi jáne 14 kommertsiialyq oryn bar.
Qazaqstandyq sheneýnikterdiń eń kóp jyljymaityn múlikteri ornalasqan elder:
- - Resei — 2 218 jyljymaityn múlik obektisi;
- - Túrkiia — 185 obekt;
- - Qyrǵyzstan — 45 obekt;
- - Bolgariia — 44 obekt;
- - Birikken Arab Ámirlikteri — 42 obekt.
Atalǵan tulǵalardyń ofshorlyq aimaqtarda jyljymaityn múlki joq ekendigi de atap ótildi. Degenmen, obektilerdiń boljamdy quny, sondai-aq olardyń ieleriniń jumys orny men laýazymy belgisiz. Qarjy ministrliginiń túsindirýinshe, bul málimetter deklaratsiia toltyrylǵan kezde kórsetilmeidi.
Jyl basynda memlekettik mekemeler men kvazimemlekettik sektor qyzmetkerleri sheteldik bankterdegi shottarynda 100 milliard teńgeden astam qarajatty jariia etkeni habarlanǵan bolatyn. Bul shottardyń kópshiligi Resei, AQSh jáne Frantsiiada ashylǵan.
