Eks-ministr Baqyt Sultanov Astana qalasynyń ákimi qyzmetine taǵaiyndalǵan bolatyn. Qazirgi kezde QR Qarjy ministriniń mindetin onyń burynǵy orynbasary atqaryp júr, dep xabarlaidy "Ult aqparat".
«Jańa qarjy ministrine aldymen danalyq tileimin. Búginde qaýip-qaterler kóp. Sol sebepti talap ta kúshti. Syrttan keletin qaýip-qaterler bar. Eldiń ishinde de biraz máselelerdi sheshý kerek. Sondyqtan qarjy ministri qashan da salmaqty bolýy tiis. Árine, qyńyr minez de, sarańdyq ta bolýy shart. Sosyn eldiń qarjylyq jaǵdaiyn damytý úshin qyraǵylyq ta asa qajet. Endi, qarjy júiesi aǵzanyń qan ainalymy ispetti. Sondyqtan atalǵan fýnktsiianyń mańyzy zor», - dedi B.Sultanov Úkimettiń búgingi otyrysynan keiin.
Aita keteiik, jýrnalisterge suxbat bergen qala ákimi eń aldymen qai máselege mán beretinin de aityp berdi.
«Árine, bul jumys óte qyzyqty. Bir jaǵynan joǵary talaptar qoiylyp otyr. Sebebi Astana ósip keledi, xalyqtyń sany da kóbeiip jatyr. Sondyqtan qyzmet kórsetý sapasyn da arttyrý qajet. Ótken aptada Elbasy aktivpen bolǵan kezdesý kezinde biraz máselelerdi kóterip, naqty tapsyrmalar berdi. Sonyń ishinde elordany damytýdyń jańa modelin ázirleý mindeti bar. Osyǵan bailanysty ákimdik qysqa ýaqyttyń ishinde Astanany damytýdyń 2050 jylǵa deiingi strategiiasyn usynýy qajet. Biz osy jumysty bastap ketti», - deidi B.Sultanov.
