QR Qarjy ministri Erulan Jamaýbaev Úkimet úiinde ótken brifingide biýdjettiń kirisin qalai arttyrýǵa bolatynyn aitty, dep habarlaidy QazAqparat.
«Qazir Qarjy ministrliginiń pysyqtaýynda 5 pilottyq joba jatyr. Olar taýardyń ilespe júkqujattaryn engizýge, aktsizdik taýarlardy markileýge, elektrondy shot-faktýralardy qoldana otyryp, qosymsha qun salyǵyn ákimshilendirýge, iri kásiporyndar úshin gorizantaldy monitoring engizýge jáne «Tax Free» jobasyna qatysty. Bul jobalarǵa bdjetten jeke qarajat qarastyrǵan joqpyz. Olar qoldanystaǵy aqparat júieleriniń aiasynda iske asyrylady. Pilottyq jobalar jalpy kásipkerlermen keri bailanys ornatý úshin qolǵa alynyp otyr», - degen vedomstvo basshysy atalmysh jobalar zańnamalyq normalardy engizý kezinde kásipkerlerdiń qandai qiyndyqtarǵa tap bolyp jatqanyn bilý úshin kerek ekenin atady.
«Jobalardyń tiimdiligine kelsek, Memleket basshysy biýdjettiń kiris bóligin kóbeitý boiynsha aldymyzǵa aiqyn mindet qoidy. Biz bul tapsyrmany birinshi kezekte salyqtyq, kedendik ákimshilendirý júiesin jetildirý jáne tsifrlandyrý arqyly oryndaimyz. Bul baǵytta úlken jumys isteldi. Sońǵy úsh jylda osy sharalardyń arqasynda biýdjet qosymsha 2 trln teńgedei kiris aldy», - dedi Erulan Jamaýbaev.
