Qarýly Kúshterde vaktsina alǵandardyń sany 100%-ke jaqyndady. Bul týraly Qorǵanys ministrligi habarlady.
Apparattyq keńeste Bas áskeri-meditsinalyq basqarma bastyǵy jeke quramnyń shamamen 90%-i ekpeniń eki komponentin, al áskeri qyzmetshiler men azamattyq personaldyń 98%-dan astamy vaktsina alǵany týraly baiandady.
Ujymdyq immýnitetti qalyptastyrý jaýyngerlik oqý-jattyǵý is-sharalaryn júrgizýde kóptegen shekteýdi alýǵa múmkindik beredi. Qarýly Kúshter bas dárigeriniń aqparaty boiynsha COVID-19-ben naýqastaný ishinara sipatta ótýde, aýrýdyń aýyr túrde ótý jaǵdailary bolǵan joq. Taiaý ýaqytta qalǵan jeke quramda meditsinalyq qarsy kórsetilimder merzimi ótkennen keiin vaktsina alǵandar sanyn 100%-ke deiin jetkizý boljanýda.
Keńeste bas qolbasshylar áskerlerdiń jaýyngerlik daiarlyq barysy týraly baiandady. Komandalyq-shtabtyq, jumyldyrý, diversiiaǵa qarsy oqý-jattyǵýlar, bólimshelerdi, ekipajdardy, eseptoptardy daiarlaý, maidan jáne áskeri-kólik aviatsiiasynyń oqý-jattyǵý ushýy, júzgish jaýyngerlerdiń parashiýttik-desanttyq daiarlyǵy jáne alpilik bólimshelerdiń taýdaǵy daiarlyǵy josparly túrde júrgiziledi.
Qorǵanys ministri áskeri tártiptiń jai-kúii, atap aitqanda, jarǵylyq emes ózara qarym-qatynas máselelerin kóterdi. Quqyq buzýshylyqtyń atalǵan túriniń tómendeýine qaramastan, osy baǵyttaǵy profilaktika úzdiksiz júieli negizde júrgizilýge tiis. Ol jaýyngerlerdiń armiiada bolǵan alǵashqy kúnderinen bastalýy kerek.
«Biz kún saiyn árbir áskeri qyzmetshige «neniń durys, neniń burys» ekeni týraly túsinikti tilmen jetkizip, onyń sanasyna sińire bilýimiz kerek», – dedi general-leitenant Nurlan Ermekbaev.
Sonymen qatar, ol mundai tásildiń is júzinde naqty áreket etýmen qatar júrýi, iaǵni qol jumsaýdyń árbir jaǵdaiyn obektivti túrde tergep-tekserý, barlyq qylmystyq isterdi sotqa jetkizý, kinálilerdi ádil jáne sózsiz jazalaý kerek ekenin atap ótti.
Keńeste qarý men oq-dárilerdi saqtaýdyń jai-kúiine, áskeri qyzmet qaýipsizdigin uiymdastyrýǵa tekserý júrgizý praktikasy qaraldy. Qazirgi ýaqytta áskerlerde bas qolbasshylar men qolbasshylardyń basshylyǵymen komissiialardyń jumysy uiymdastyrylǵan. Qorǵanys vedomstvosynyń basshysy baǵynysty áskerler tynys-tirshiliginiń barlyq aspektisin sapaly tekserý qajettiligi jáne inspektsiialaý nátijeleri úshin laýazymdy adamdardyń derbes jaýapkershiligi týraly eske saldy. Kemshilikter anyqtalǵan jaǵdaida komissiialar olardy joiýǵa kómek kórsetýge tiis.
«Eger tekserýshiler obektini teksergennen keiin olar anyqtamaǵan kemshilikterge bailanysty oqiǵa oryn alsa, onda olardan qatań suralatyn bolady. Bul jaǵdaida obektini teksergen adamdar bólim qolbasshylyǵymen birge jaýapty bolýǵa tiis», – dep atap ótti Qorǵanys ministri.
Odan basqa, áskeri bólimderdi tekserý jáne olarǵa barý jaýyngerlik oqý-jattyǵýdyń josparly is-sharalaryna kedergi keltirmeýge, al inspektsiialaityn adamdar, barlyq deńgeidegi bastyqtar turý men tamaqtanýdy óz esebinen júzege asyrýǵa tiis.
Shalǵaidaǵy garnizondarda áskeri qyzmetshilerdi turǵyn úimen qamtamasyz etý máseleleri qozǵaldy. Búgingi kúni shalǵaida ornalasqan áskeri bólimderde obektiler qurylysy belsendi túrde júrgizilýde. Bul rette ótken jyldary jobalanǵan keibir obektilerdiń kommýnaldyq infraqurylymy buǵan deiin turǵyzylǵan kazarmalyq-turǵyn úi qorynda jaily turýdy qamtamasyz etpeidi.
Sonymen qatar, merdigerlerdiń óz ýaqytynda júrgizgen sapasyz jumysynyń nátijesinde shatyr jabyny fragmentteriniń jelmen ushyp ketý faktileri anyqtaldy. Bul sońǵy jyldardaǵy júieli kemshilik, óitkeni jalpy konkýrstyq rásimderdiń nátijeleri boiynsha ártúrli, keide kezdeisoq merdigerlik uiymdar jumys júrgizý quqyǵyna ie bolady. Kóbinese olar konkýrstar barysynda dempingti praktikada qoldanady, áskeri obektilerdi jóndeýde jáne salýda tájiribesi joq, demek olar árqashan qajetti jumys sapasyn qamtamasyz ete almaidy.
Qorǵanys vedomstvosynyń basshysy Áskerlerdi páterlerge ornalastyrý bas basqarmasyna osy baǵyttaǵy jumysty jandandyrýǵa jáne týyndaityn máselelerdi qysqa merzimde sheshýge, sondai-aq áskeri obektilerdiń sapaly qurylysyn qamtamasyz etý boiynsha júieli sharalar daiyndaýǵa nusqaý berdi.
«Áskeri qyzmetshiler otbasylarynyń áskeri qalashyqtarda, ásirese, alys garnizondarda qaýipsiz jáne jaily turýy úshin jaǵdailar jasaý jaýyngerlerdiń qyzmet múddelerin adal oryndaýynyń mańyzdy faktory bolyp tabylady», – dep atap ótti Qorǵanys ministri.
