Qarýly Kúshterdiń quramalary men bólimderi eldiń batysy men ońtústigine jiberildi, dep habarlaidy "Ult aqparat".
2021 jylǵy qyrkúiektiń basynan bastap ótip jatqan kenetten tekserý sheńberinde áskerler Qazaqstannyń batys jáne ońtústik óńirlerine jiberildi.
Manevrǵa vedomstvoaralyq, túraralyq ásker toptarynan jalpy sany toǵyz myńǵa deiin adam, úsh myńǵa jýyq qarý-jaraq pen áskeri tehnika, onyń ishinde 66 ushý apparaty men segiz korabl tartyldy.
Qarýly Kúshterdi alys qashyqtyqqa jyljýǵa ázirlikte ustaý qajettiligi Qazaqstan aýmaǵynyń aýqymdylyǵyna bailanysty.
Áskerlerdi jaýyngerlik tehnikamen, temirjol jáne áýe kóligimen, onyń ishinde azamattyq aviatsiia múmkindigin paidalana otyryp, ártúrli tásildermen jetkizý júzege asyryldy.
Atap aitqanda, aldyńǵy sheptegi bólimsheler áskeri-kólik jáne azamattyq aviatsiia ushaqtarymen jetkizildi. Qurlyq áskerleriniń bólimderi men bólimsheleri jaýyngerlik tehnikasymen birge ózderine tanys emes poligondarǵa temirjol kóligimen jetkizildi. Jaýyngerlik oqý-jattyǵý mindetterin oryndaý sheńberinde bólimsheler belgilengen aýdandarda ornalasyp, olardy injenerlik turǵydan jabdyqtady.
Armiialyq jáne maidandyq aviatsiia toptary jedel áýeailaqtarǵa jáne Aqtaý – Jańaózen avtomobil jolynyń áýeailaqtyq ýchaskesine qaita ornalastyryldy.
Áskeri-teńiz kúshteriniń korablderi Kaspii teńiziniń akvatoriiasynda korablderdiń ornalasý pýnkterin kúzetýdi jáne qorǵaýdy júzege asyrady.
Odan ári quramalar men bólimder kúshter men quraldardy is júzinde qoldanýǵa bailanysty oqý-jattyǵý jaýyngerlik mindetterdi oryndaýdy jalǵastyrady.
Áskerler áreket etýiniń tolyqtyǵyn jáne sapasyn Qarýly Kúshterdiń Bas shtaby baǵalaityn bolady.
