IIM Ákimshilik politsiia komiteti basqarma bastyǵynyń orynbasary Dáýren Qozybaqov "Quqyqtyq tártip" jedel aldyn alý sharasy aiasynda azamattardan qansha qarý tárkilengenin aitty, dep habarlaidy Sputnik Qazaqstan.
"Qarý men oq-dárini zańsyz saqtaǵany jáne ózimen birge alyp júrgeni úshin 451 adam ustaldy. 774 birlik atys qarýy, 7 737 dana arnaiy qural men oq-dári tárkilendi", - dedi Qozybaqov ishki ister ministrliginde ótken brifingte.
Mysaly, Almaty qalasynda 1982 jylǵy azamat júrgizgen "Toyota Land Cruiser Prado" kóligi toqtatyldy. Salonda otyrǵan 1976 jylǵy jolaýshydan "MR-79-9TM" travmatikalyq tapansha, 1 oqjatar jáne 9 mm kalibrli 8 oq tabyldy. Tapansha jaýyngerlik oqtarmen atý úshin qaita jasalǵan.
Sondai-aq Almatyda 1996 jylǵy azamat qolǵa tústi. Ol saraiyna 3 iir oiyqty jáne 10 tegis uńǵyly qarý, pnevmatikalyq vintovka men tapansha, budan bólek 5 rezeńke taiaq, aǵash bita, radiostantsiia, saper kúregi men qarý-jaraq dúkeninen urlanǵan túrli kalibrli myńnan astam oq-dári jasyrǵan.
Aita keteri, politsiia qyzmetkerleri barlyq óńirde "Quqyqtyq tártip" jedel aldyn alý sharasyn ótkizip jatyr.
