Politsiia «Vkontakte» áleýmettik jelisine qarý ustap túsken sýretin salǵan elorda turǵynyn ustady, dep habarlaidy "Ult aqparat".
Nur-Sultan qalasy politsiia departamentiniń baspasóz qyzmeti astanalyq jigit áskeri kiimmen qarý asynyp sýretke túsip, ony «VKontakte» áleýmettik jelisinde jariialaǵanyn jazady. Al qala turǵyndarynyń biri «102» -ge habarlasyp, áleýmettik jelide ulyna qarý ustap sýretke túsken belgisiz adamnan erteń elordada «kóńildi bolatyny» týraly habarlama kelgenin aitqan.
«Posttyń avtory ustalyp, politsiiaǵa jetkizildi. Ol 23 jastaǵy elorda turǵyny bolyp shyqty. Airsoft-ke áýestigi bar jigit bul posty «VKontakte» paraqshasynda jazylýshylar sanyn kóbeitý úshin jariialaǵanyn aityp otyr. Atalǵan faktqa qatysty Qylmystyq kodekstiń 287-baby boiynsha sotqa deiingi tergeý júrgizilýde. Sonyń aiasynda atys qarýynyń kimge tiesili ekenin anyqtaý úshin ballistikalyq saraptama taǵaiyndaldy. Politsiia departamenti qarýdy zańsyz iemdengeni, bergeni, ótkizgeni jáne saqtaǵany úshin zań boiynsha qylmystyq jaýapkershilik qarastyrylǵanyn eskertedi», - delingen departamenttiń málimetinde.
