Foto: amixstudio / Getty Images
Qazaqstan Respýblikasyndaǵy infliatsiia 2025 jylǵy qańtarda údep, bir jylda 8,9% qurady. Bul týraly Ult.kz habarlaidy.
Ulttyq statistika biýrosynyń málimetteri boiynsha 2024 jylǵy jeltoqsanda infliatsiia 8,6% bolǵan.
Ústimizdegi jyldyń bir aiynda infliatsiia kólemi 1,1% qurady (ótken aida – 0,9%).
Ótken jylǵy qańtarmen salystyrǵanda tarifter sýyq sýǵa – 43,2%, sý burýǵa – 26,1%, ortalyqtan jylytýǵa – 23,1%, ystyq sýǵa – 21,3%, elektr energiiasyna – 18,9%, taratý jelileri boiynsha tasymaldanatyn gazǵa – 12%, qoqys shyǵarýǵa 10,3% ósti.
Baǵa keshendi demalystardy uiymdastyrý qyzmetterine – 26%, bailanys qyzmetterine – 16,8%, densaýlyq saqtaý qyzmetterine – 12%, shashtarazdar men jeke qyzmet kórsetý oryndary qyzmetterine – 11,9%, jeke kólik quraldaryna tehnikalyq qyzmet kórsetý jáne jóndeýge – 11,4%, qoǵamdyq tamaqtandyrý qyzmetterine – 10,9%, demalys jáne sporttyq is-sharalar salasyndaǵy qyzmetterine 9,3%, joǵarylady. Jolaýshylar temir jol kóligimen jol júrý – 18,6%, qalalyq avtobýspen – 10,5%, jolaýshylar áýe kóligimen 7,2% qymbattady. Turǵyn úidi jalǵa alý tólemi 15,3% ósti.
Baǵa deńgeii dybys-beine sholý jabdyǵyna – 41,5%, zergerlik buiymdar jáne saǵattarǵa – 24,9%, otandyq qurastyrma jańa jeńil avtomobilderge – 22,9%, kiim jáne aiaq kiimge – 10,6%, jihaz jáne úige qajetti zattarǵa – 10,3%, farmatsevtikalyq ónimderge 8,6% ósti. Aǵash – 15,4%, suiytylǵan gaz ballondaǵy – 10,2%, tas kómir 8,6% qymbattady.
Baǵanyń ósýi kartopqa – 59,3%, basty piiazǵa – 25,1%, mineraldy jáne aýyz sýǵa – 16,7%, temeki ónimderine – 14,6%, konditerlik ónimderge – 13,3%, sary maiǵa – 13%, salqyndatylǵan sýsyndarǵa – 12,3%, qaita óńdelgen jáne konservilengen balyqqa – 11,9%, jemis jáne kókónis shyryndarǵa 11% belgilendi. Baǵanyń tómendeýi qaraqumyq jarmasyna – 21,6%, sábizge 5,3% baiqaldy.
Óńirler bólinisinde 2025 jylǵy qańtarda infliatsiia ortasha respýblikalyq deńgeiden asatyn on eki óńirde qalyptasty, olardyń ishinen eń joǵary – Astana qalasynda (11,2%), Qaraǵandy (9,9%), Batys Qazaqstan (9,7%), Soltústik Qazaqstan (9,6%) oblystarynda.
Infliatsiianyń jyldyq deńgeiine eń úlken úlesti azyq-túlik jáne alkogolsiz sýsyndar (2,2 paiyzdyq tarmaq), turǵyn úi qyzmetteri (1,7 paiyzdyq tarmaq), kiim jáne aiaq kiim (1 paiyzdyq tarmaq) qosty.
Jyl ishinde jemister men kókónister baǵasy – 8,8%, et jáne et ónimderi 4,2% ósip, infliatsiiaǵa 0,5 paiyzdyq tarmaqtan ósýine negizgi úles qosty. Sút ónimderi baǵasynyń 6,3% qymbattaýy jyldyq infliatsiiaǵa 0,3 paiyzdyq tarmaqqa, mai jáne toń mai (8,8%), alkogolsiz sýsyndar (8,5%), nan ónimderi men jarmalar (3,3%) – 0,2 paiyzdyq tarmaqtan úles qosty.
TKSh qyzmetteri bir jylda 15,2% qymbattady, al olardyń infliatsiiaǵa úlesi 1,7 paiyzdyq tarmaqty qurady. 2025 jylǵy qańtarda ótken jyly qańtarmen salystyrǵanda turǵyn úidi jalǵa berý tarifteri 15,3% ósip jáne jyldyq infliatsiiaǵa 0,6 paiyzdyq tarmaqqa, sýyq sýǵa (43,2%), ortalyqtan jylytýǵa (23,1%), elektr energiiasyna (18,9%), turǵyn úi jailardy jóndeý jáne qyzmet kórsetýge tarifteri (5,8%) – 0,2 paiyzdyq tarmaqtan úles qosty.
Bir aida azyq-túlik taýarlar baǵasynyń deńgeii – 1,4%, aqyly qyzmetter – 1,1%, azyq-túlik emes taýarlar 0,6% ósti.
