Foto: FUTBOLEROS
Braziliialyq tanymal fýtbolshy Marselo Libertadores kýbogy oiynynda "Argentinos Hýniors" oiynshysy Lýsiano Sanchesti abaisyzda aýyr jaraqattap aldy, dep jazady Massaget.kz portaly.
Qarsylasynyń jaraqatyn kóre sala oiyndy toqtatqanmen, bári kesh edi.
Tóreshi Marseloǵa qyzyl qaǵaz kórsetip, alańnan qýdy. Al braziliialyq oiynshy kóz jasyna erik berip, tóreshiniń sheshimine narazylyq bildirgen joq. Kerisinshe óziniń sátsiz qimylyna ókingen qalpy alańnan ketti.
Jergilikti basylymdardyń jazýynsha, Lýsiano Sanchestiń alańǵa qaita oralýyna kemi 1 jyl ýaqyt qajet.
Marselo qazirgi tańda Braziliianyń "Flýminense" klýbynda oinaidy. Oǵan deiin Grekiianyń "Olimpiakos" komandasynda dop tepti. Al jankúierler ony "Real Madrid" sapyndaǵy jarqyn oiynymen jaqsy tanidy.
