Qaraǵandy oblysy Qarqaraly aýdanyndaǵy órt aýmaǵy bes esege ulǵaiyp, bir táýlikte 2700 gektarǵa jetti. Órtengen aýmaqtyń myń jarym gektary memlekettik orman qoryna kiredi. Bul týraly 14 tamyzda ishki ister ministrligi habarlady, dep jazady Azattyq.
IIM orynbasary Iýrii Ilin 14 tamyzda ótken brifingide Qarqaraly aýdanyndaǵy jaǵdaidyń qiyndaǵanyn aitty. Onyń sózinshe, órtti sóndirýge orman sharýashylyǵy komitetiniń, jergilikti ákimdiktiń jáne IIM bólimsheleri tartylǵan.
12 tamyzda Qarqaraly aýdanyndaǵy Egindibulaq aýylynan 30 shaqyrym jerde qýraǵan shóp órtenip, jalyn Baqty ormanyna qarai ótken.
13 tamyzda Qarqaraly aýdany ákimdigi aimaqta tótenshe jaǵdai jariialaǵan.
