Qarqaraly ulttyq tabiǵi parkiniń aýmaǵynda orman órtenip jatyr, dep habarlaidy "Ult aqparat" QR IIM TJK baspasóz qyzmetine silteme jasap.
12 tamyzda saǵat 17:26-da órt sóndirý qyzmetine Qaraǵandy oblysy Qarqaraly aýdany Egindibulaq kentinen 30 shaqyrym qashyqtyqta, Qarqaraly memlekettik ulttyq tabiǵi parkiniń Baqty orman sharýashylyǵynyń aýmaǵynda qurǵaq shóp janyp, órt ormanǵa taralǵany týraly habar túsken.
Órt shyqqan aýmaqta «Qazaviaormanqorǵaý» MI-2 tikushaǵymen áýeden sholyp shyqty.
Bastapqy boljam boiynsha, órt 70 gektar orman alqabyn sharpyǵan.
Órtti sóndirýge oblystyq TJD-nyń (77 adam, 13 tehnika), Qarqaraly memlekettik ulttyq tabiǵi parkiniń (25 qyzmetker men 6 tehnika), Kývsk orman qorǵaý jáne janýarlar álemi sharýashylyǵy (4 qyzmetker men 1 tehnika) men erkin órt sóndirý qurylymdarynyń (38 qyzmetker men 5 tehnika) kúshteri men tehnikalary jumyldyryldy.
