Biyl 19 tamyzda káriz qudyǵyna qulap ketken 2 jasar balany qutqaryp qalǵan jas jigittiń kim ekeni anyqtaldy, - dep habarlaidy Tengrinews.kz agenttigi Qyzylorda oblystyq "Syr boiy" gazetine silteme jasap.
Ol Aral aýdany Bógen aýylynda 2007 jyly dúniege kelgen Arman Amanjolov. Arman oqiǵanyń qalai bolǵanyn aityp berdi.
"Eki jarym jastaǵy sábi anasynyń aldyna túsip ketip bara jatty. Men telefonnan áýen tyńdap kele jatqanmyn. Kenet anasynyń jan daýsy shyqty. Qarasam kishkentai bala káriz qudyǵyna túsip ketipti. Bar oiym qutqarý bolyp, qudyqqa men de tústim", - deidi ol.
Osy kezde jas jigitke kómekke er adam kelgen, ol aldymen sábidi, odan keiin Armannyń ózi shyǵarǵan.
"Men syrtqa shyqqannan keiin ǵana táýekelge barǵanymdy túsindim, óitkeni qudyq las, sý sasyq edi", - dep esine alady ol.
Arman qalaǵa M.Ihsanov atyndaǵy Qyzylorda politehnikalyq kolledjine túsý úshin kelgen. Tańdaǵan mamandyǵy "elektrik". Kóp balaly otbasynan shyqqan jigit komissiianyń qorytyndysyn kútip otyr.
