بيىل 19 تامىزدا كەرٸز قۇدىعىنا قۇلاپ كەتكەن 2 جاسار بالانى قۇتقارىپ قالعان جاس جٸگٸتتٸڭ كٸم ەكەنٸ انىقتالدى, - دەپ حابارلايدى Tengrinews.kz اگەنتتٸگٸ قىزىلوردا وبلىستىق "سىر بويى" گازەتٸنە سٸلتەمە جاساپ.
ول ارال اۋدانى بٶگەن اۋىلىندا 2007 جىلى دٷنيەگە كەلگەن ارمان امانجولوۆ. ارمان وقيعانىڭ قالاي بولعانىن ايتىپ بەردٸ.
"ەكٸ جارىم جاستاعى سەبي اناسىنىڭ الدىنا تٷسٸپ كەتٸپ بارا جاتتى. مەن تەلەفوننان ەۋەن تىڭداپ كەلە جاتقانمىن. كەنەت اناسىنىڭ جان داۋسى شىقتى. قاراسام كٸشكەنتاي بالا كەرٸز قۇدىعىنا تٷسٸپ كەتٸپتٸ. بار ويىم قۇتقارۋ بولىپ, قۇدىققا مەن دە تٷستٸم", - دەيدٸ ول.
وسى كەزدە جاس جٸگٸتكە كٶمەككە ەر ادام كەلگەن, ول الدىمەن سەبيدٸ, ودان كەيٸن ارماننىڭ ٶزٸ شىعارعان.
"مەن سىرتقا شىققاننان كەيٸن عانا تەۋەكەلگە بارعانىمدى تٷسٸندٸم, ٶيتكەنٸ قۇدىق لاس, سۋ ساسىق ەدٸ", - دەپ ەسٸنە الادى ول.
ارمان قالاعا م.يحسانوۆ اتىنداعى قىزىلوردا پوليتەحنيكالىق كوللەدجٸنە تٷسۋ ٷشٸن كەلگەن. تاڭداعان ماماندىعى "ەلەكتريك". كٶپ بالالى وتباسىنان شىققان جٸگٸت كوميسسييانىڭ قورىتىندىسىن كٷتٸپ وتىر.
