Memlekettik hatshy shetelde kadr daiarlaý jónindegi respýblikalyq komissiianyń otyrysyn ótkizdi, dep habarlaidy Aqorda.
Memlekettik hatshy Erlan Qarinniń tóraǵalyǵymen shetelde kadr daiarlaý jónindegi respýblikalyq komissiianyń kezekti otyrysy ótti.
Jiyn barysynda «Bolashaq» baǵdarlamasyn qaita baǵdarlaý jónindegi Prezident Qasym-Jomart Toqaevtyń tapsyrmalaryn oryndaý máseleleri talqylandy.
Atap aitqanda, Memleket basshysynyń tapsyrmasyna sáikes «Bolashaq» baǵdarlamasy boiynsha bilim alýshylar úshin tehnikalyq mamandyqqa basymdyq beriledi.
Atalǵan baǵytta bilim alatyn stipendiattardyń qatary kóbeiip, joǵary oqý oryndarynyń sany artady.
Sonymen qatar 2022 jyly injenerlik-tehnikalyq, meditsina, mádeniet, týrizm jáne sport, buqaralyq aqparat quraldarynyń, aýyl sharýashylyǵy ónerkásibi salasynyń qyzmetkerleri, memlekettik qyzmetshiler, ǵalymdar, orta bilim, tehnikalyq jáne kásiptik baǵdar berý uiymdarynyń muǵalimderi taǵylymdamadan ótetin boldy.
Otyrys qorytyndysy boiynsha Erlan Qarin «Bolashaq» baǵdarlamasyn odan ári jetildirý jáne ony júzege asyrý tetikteriniń tiimdiligin arttyrý jóninde birqatar tapsyrma berdi.
