مەملەكەتتٸك حاتشى شەتەلدە كادر دايارلاۋ جٶنٸندەگٸ رەسپۋبليكالىق كوميسسييانىڭ وتىرىسىن ٶتكٸزدٸ, دەپ حابارلايدى اقوردا.
مەملەكەتتٸك حاتشى ەرلان قاريننٸڭ تٶراعالىعىمەن شەتەلدە كادر دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ.
جيىن بارىسىندا «بولاشاق» باعدارلاماسىن قايتا باعدارلاۋ جٶنٸندەگٸ پرەزيدەنت قاسىم-جومارت توقاەۆتىڭ تاپسىرمالارىن ورىنداۋ مەسەلەلەرٸ تالقىلاندى.
اتاپ ايتقاندا, مەملەكەت باسشىسىنىڭ تاپسىرماسىنا سەيكەس «بولاشاق» باعدارلاماسى بويىنشا بٸلٸم الۋشىلار ٷشٸن تەحنيكالىق ماماندىققا باسىمدىق بەرٸلەدٸ.
اتالعان باعىتتا بٸلٸم الاتىن ستيپەندياتتاردىڭ قاتارى كٶبەيٸپ, جوعارى وقۋ ورىندارىنىڭ سانى ارتادى.
سونىمەن قاتار 2022 جىلى ينجەنەرلٸك-تەحنيكالىق, مەديتسينا, مەدەنيەت, تۋريزم جەنە سپورت, بۇقارالىق اقپارات قۇرالدارىنىڭ, اۋىل شارۋاشىلىعى ٶنەركەسٸبٸ سالاسىنىڭ قىزمەتكەرلەرٸ, مەملەكەتتٸك قىزمەتشٸلەر, عالىمدار, ورتا بٸلٸم, تەحنيكالىق جەنە كەسٸپتٸك باعدار بەرۋ ۇيىمدارىنىڭ مۇعالٸمدەرٸ تاعىلىمدامادان ٶتەتٸن بولدى.
وتىرىس قورىتىندىسى بويىنشا ەرلان قارين «بولاشاق» باعدارلاماسىن ودان ەرٸ جەتٸلدٸرۋ جەنە ونى جٷزەگە اسىرۋ تەتٸكتەرٸنٸڭ تيٸمدٸلٸگٸن ارتتىرۋ جٶنٸندە بٸرقاتار تاپسىرما بەردٸ.
