Ulttyq qoǵamdyq senim keńesiniń músheleri Almatyda aýyl ákimderin sailaý naýqanyn talqylady, dep habarlaidy QazAqparat.
Ulttyq qoǵamdyq senim keńesiniń músheleri, belgili saiasattanýshylar men áleýmettanýshylar qatysqan sharany QR Prezidentiniń kómekshisi, Ulttyq keńestiń hatshysy Erlan Qarin ashty.
Erlan Qarinniń aitýynsha, búginge deiin ákimderdi tikelei sailaý 811 aýyldyq okrýgte ótken.
«Bul sailaý qoǵamda, sailaýshylar arasynda da, saiasi partiialar arasynda da úlken qyzyǵýshylyq týǵyzdy. Nátijesinde sailanǵan ákimderdiń 86% saiasi partiialar usynǵan kandidattar qurady. Qalǵan 14% ózin-ózi usynǵan úmirtkerler boldy.
Bul rette sailanǵan ákimderdiń jartysy (51%) sailaýǵa deiin bul qyzmette bolmaǵan jańa tulǵalar», - dedi ol.
Áleýmettanýshy, «Strategiia» áleýmettik jáne saiasi zertteýler ortalyǵy» qoǵamdyq qorynyń jetekshisi Gúlmira Ileýova Roza Liýksembýrg qorynyń tapsyrysymen ázirlengen «Jergilikti ózin-ózi basqarý organdaryna sailaýda tikelei daýys berýdi ótkizýdiń táýekelderi men múmkindikteri» atty zertteýdiń nátijelerin usyndy.
Zertteý aýyldaǵy ekonomikalyq ahýaldy, ondaǵy halyqtyń erekshelikterin, aýyl turǵyndarynyń saiasi reformalarǵa qyzyǵýshylyǵy men elektoraldyq minez-qulqyn kórsetýge baǵyttalǵan.
Sondai-aq Ulttyq keńes pen Prezidenttik jastar kadry rezerviniń birlesken zertteý tobynyń jetekshisi Aleksandr Danilov Pavlodar, Qostanai, Túrkistan jáne Shyǵys Qazaqstan oblystarynyń ákim sailaýy ótken aýyldyq okrýgterin aralaý negizinde ázirlengen taldamalyq baiandamany tanystyrdy.
