QR Prezidentiniń keńesshisi Erlan Qarin Prezident Qasym-Jomart Toqaevtyń Qazaqstan halqyna kezekti Joldaýyna qatysty pikir bildirdi, dep habarlaidy QazAqparat.
«Jalpyulttyq birlikti bekite túsý men júieli reformany odan ári jalǵastyra túsý Prezidenttiń biylǵy Joldaýynda ózekti oryn aldy. Memleket basshysy bul joly da osyǵan deiingi Joldaýynda qozǵalǵan saiasi reformalarǵa basymdyq berdi. Naqty aitqanda, ol Qazaqstannyń saiasi reformasynyń 4-i paketin usynyp otyr. Tolyǵyraq toqtalsaq, depýtattyq mandatty bólgende 30 paiyz kvotany áielder men jastarǵa teńdei bólýdi zańmen bekitý mindetin qoidy. Buryn bul talap tek partiia atynan sailanǵan depýtattarǵa qatysty bolǵan. Endigi ýaqytta talap depýtattyq mandatty taǵaiyndaý kezinde de eskeriletin bolady. Sondai-aq, Memleket basshysy partiia atynan sailaýǵa túsetin kandidattardyń qatarynda erekshe kútimdi talap etetin jandardyń bolýyn usyndy», - dep jazdy Erlan Qarin Telegram kanalynda.
Onyń aitýynsha, Memleket basshysy júktegen jańa mindetter men tapsyrmalardy oryndaýda memlekettik apparat pen qoǵam birlesip áreket etkeni jón.
«Sonymen qatar, Joldaýda Prezident aýyl turǵyndarynyń azamattyq bastamasyna qoldaý kórsetýdiń tiimdi mehanizmin ázirleýdi tapsyrdy. Sol siiaqty áielderdiń qoǵamdaǵy saiasi jáne ekonomikalyq pozitsiiasyn barynsha qoldap, qamtý. Odan bólek, Memleket basshysy adam quqyǵy máselesine erekshe toqtalyp ótti. Bul baǵytta memleket qylmystyq protsess, politsiia qyzmeti modelin keńeitý, quqyq qorǵaýshylardyń da quqyǵyn qorǵaý máselesine asa mán berýi tiis. Adam quqyǵy salasyndaǵy ózekti máselerdiń qatarynda balalarǵa kórsetiletin zorlyq-zombylyqty joiý men sintetikalyq esirkimen kúreste jatady», - deidi ol.
