Prezidenttiń keńesshisi Erlan Qarin Memleket basshysynyń Qazaqstan halqyna Joldaýyna qatysty pikir bildirip, qandai baǵyttarǵa basymdyq berilgeli otyrǵanyn aityp berdi, dep habarlaidy QazAqparat tilshisi.
«Prezident búgingi Joldaýy arqyly saiasi básekeniń ósýin, kóppartiialyqty damytýdy, dialogty kúsheitýdi kózdep otyr. Meniń oiymsha, Memleket basshysy liberalizatsiia baǵdaryna den qoiyp otyrǵanyn taǵy bir márte dáleldedi. «Reforma úshin reforma júrgizýdiń» qajeti joq ekenin ashyq bildirdi. Reformalardy iske asyrýda oily da ólshengen qadamdar bolýy kerektigin aitty», - dedi Erlan Qarin Parlamenttiń birlesken otyrysynan keiin tilshilerdiń saýaldaryna jaýap bere otyryp.
Prezidenttiń keńesshisi óz sózinde taǵy da birshama bastamalardy atap ótti.
«Prezidenttiń saiasi keńesshisi retinde qoǵamdyq dialogty damytý, azamattyq dialogty kúsheitý týraly bastamalaryn erekshe atap óter edim. Álbette, Prezident tarapynyń shaǵyn jáne orta biznesti damytý bastamasynyń da mańyzy zor. Memleket basshysy mikro jáne shaǵyn biznesti salyqtan úsh jylǵa bosatý týraly Úkimetke zańnamalyq negiz ázirleýdi tapsyrdy. Meniń oiymsha, bul kásipkerlikti damytýda óte keremet jiger beredi. Jalpy, Joldaý óte úilesimdi boldy», - dedi Erlan Qarin.
Eske sala ketsek, búgin QR Prezidenti Qasym-Jomart Toqaev Qazaqstan halqyna Joldaýyn jariialady.
