Prezident bastamalaryn júzege asyrý – memlekettiń áleýmettik saiasatynyń mańyzdy nátijesi. Bul týraly «Habar 24» telearnasyndaǵy «Anyǵyn aitqanda» baǵdarlamasynda QR Prezidentiniń kómekshisi Erlan Qarin aitty, dep habarlaidy QazAqparat.
QR Prezidentiniń kómekshisi Erlan Qarin Memleket basshysynyń «Halyq birligi jáne júieli reformalar - el órkendeýiniń berik negizi» atty Qazaqstan halqyna arnaǵan Joldaýyna keńirek toqtaldy.
«Memleket basshysy óz Joldaýynda aitqan eń mańyzdy bastama – azamattarǵa Biryńǵai jinaqtaýshy zeinetaqy qorynda jinaqtalǵan qarajatty paidalaný múmkindigin berý. Bul aqsha, mysaly, turǵyn úi jaǵdaiyn jaqsartýǵa, emdelýge jáne basqa da maqsattarǵa jumsalady. Qazan aiynyń basyndaǵy derekterge sáikes, Biryńǵai jinaqtaýshy zeinetaqy qorynyń 1 million 200 myńǵa jýyq salymshysy osy bastamanyń igiligin kórip úlgerdi. Turǵyn úi jaǵdaiyn jaqsartý úshin zeinetaqy jinaǵyn paidalanýǵa 500 myńǵa jýyq ótinish túsip, BJZQ-dan 2 trillion teńgege jýyq qarajat berildi. Osylaisha, qazirdiń ózinde qarapaiym azamattar Joldaýda aitylǵan Prezident bastamasymen berilgen múmkindikterdi paidalanyp jatyr» dep atap ótti Erlan Qarin.
Sondai-aq Prezident kómekshisi Memleket basshysynyń Ulttyq qoǵamdyq senim keńesiniń otyrysynda usynǵan birqatar bastamasy týraly aitty.
«Joǵary oqý oryndaryna bilim granttaryn berýmen qatar az qamtylǵan otbasy balalaryna belgili bir kvota qarastyrý. Sáikesinshe, Bilim jáne ǵylym ministrligi JOO-na 50 myń grantty bólgen bolatyn. Oqý oryndaryna túsetin talapkerlerdiń úsh sanatyna 5 myń grant bóldi. Bul - tolyq emes, birinshi jáne ekinshi toptaǵy múgedekter jáne kópbalaly otbasynan shyqqan balalar. Atalǵan shara - Qazaqstanda júrgizilip jatqan áleýmettik saiasattyń mańyzdy nátijeleriniń biri»,- deidi ol.
