Búgin Parlament Májilisiniń plenarlyq otyrysynyń ekinshi oqylymynda depýtattar «Qazaqstan Respýblikasy Qylmystyq kodeksine ólim jazasy máseleleri boiynsha ózgerister men tolyqtyrýlar engizý týraly» zań jobasyn maquldady.
Bul týraly QazAqparat Qazaqstan Respýblikasy Prezidentiniń kómekshisi Erlan Qarinniń Telegram áleýmettik jelisindegi jazbasyna silteme jasap habarlaidy.
«Atap óteiik, buǵan deiin 16 qarasha kúni Ulttyq qoǵamdyq senim keńesiniń altynshy otyrysynda Memleket basshysy Qazaqstandaǵy ólim jazasy eshqandai eskertýsiz joiylýy qajet ekenin atap ótip, sol arqyly quqyq qorǵaýshylardyń ustanymyna qoldaý bildirgen.
Májilis osyny esepke ala otyryp, qylmystyq zańnamadan ólim jazasyn alyp tastaýdy qarastyratyn túzetýler daiyndady»,-dep jazdy Erlan Qarin.
Budan basqa, depýtattar Májilis otyrysynyń birinshi oqylymynda «Qazaqstan Respýblikasyndaǵy biologiialyq qaýipsizdik týraly» zań jobasyn qarastyryp, maquldady. Atalǵan zań jobasyn Densaýlyq saqtaý ministrligi múddeli memlekettik organdarmen birlesip Memleket basshysynyń Ulttyq qoǵamdyq senim keńesiniń úshinshi otyrysynda bergen tapsyrmalaryn oryndaý maqsatynda daiarlady.
