QR Premer-ministri sońǵy jumys sapary aiasynda óńirdiń indýstriialyq damý perspektivasyn baǵalaý úshin Jezqazǵanǵa bardy, dep habarlaidy Pm.kz.
Jezqazǵan qalasynda Kárim Másimov «Qazaqmys Korporatsiiasy» JShS mys qorytý zaýytyn aralaidy. Ekonomikanyń negizgi draiveri – metallýrgiia ónerkásibin damytýǵa Úkimet erekshe mán beredi.
«Bayan» JShS-da Premer-ministr mamandandyrylǵan azyq-túlik óndirisimen tanysady, azyq-túlik kásiporny negizinen metallýrgterdi qamtamasyz etedi.
Sonymen qatar, Premer-ministr Ulytaý tarihi-mádeni nysanyn aralaidy jáne óńirdiń týristik baǵyttaǵy damý perspektivasyn baǵalaý úshin keńes ótkizedi.
Memleket basshysynyń tapsyrmasymen Premer-ministr Qazaqstannyń óńirlerin jumys saparymen aralap júr. Osy jyldyń 15 maýsymy men 16 tamyzy aralyǵynda Kárim Másimov Aqtóbe, Almaty, Qaraǵandy, Qyzylorda, Qostanai, Soltústik Qazaqstan, Aqmola, Pavlodar, Atyraý, Mańǵystaý, Batys Qazaqstan, Shyǵys Qazaqstan, Ońtústik Qazaqstan, Jambyl oblystaryna jáne Almaty qalasyna bardy.
Ult portaly
.jpeg)