- Kárim Másimov Ońtústik Qazaqstan oblysynda ónerkásiptik, tarihi-mádeni nysandardy aralap, mańyzdy máselelerdi talqylaý úshin qoǵam ókilderimen kezdesý ótkizedi jáne óńirdiń áleýmettik-ekonomikalyq damýyn baǵalaidy dep kútilýde, dep habarlaidy pm.kz.
Kárim Másimov aerovokzaldyń ushý-qoný jolaǵyn jóndeý jumystarymen tanysyp, Shymkent qalasyndaǵy kólik infraqurylymy nysandarynyń qaýipsizdik júiesin tekseredi.
Premer-Ministrdiń jumys kestesinde AÓK problemalaryna erekshe nazar aýdarylǵan. Kárim Másimov «Memleket» ÁKK mysalynda jeke qosalqy sharýashylyqtaǵy tiimdi óndiristi qalai uiymdastyrý kerek ekeni týraly jumys barysymen tanysady. Ońtústik óńirdegi agrokásipkerlermen kezdesý barysynda aýyl sharýashylyǵy salasyndaǵy máseleler talqylanady dep josparlanyp otyr.
Bilim berý salasyndaǵy ózekti máseleler jóninde taǵy bir keńes ótkizý josparlanǵan. Munda Premer-Ministrdiń orynbasary Dariǵa Nazarbaeva, BǴM, Almaty, Jambyl, Qyzylorda oblysynyń, Astana jáne Almaty qalasynyń ákimdigi ókilderi qatysady.
Sondai-aq, Kárim Másimov Shymkent munai óńdeý zaýytyn qaita qurý barysymen jáne nátijelerimen tanysady. Zaýytta óndiristi modernizatsiialaý jumysy 2017 jyly aiaqtalady jáne bul aitarlyqtai ekonomikalyq áser beredi.
QR Premer-Ministri Memleket basshysynyń tapsyrmasymen óńirlerdi jumys saparymen aralap júr. 15 maýsymynan bastap Kárim Másimov Aqtóbe, Almaty, Qaraǵandy, Qyzylorda, Qostanai, Soltústik Qazaqstan, Aqmola, Pavlodar, Atyraý, Mańǵystaý, Batys Qazaqstan, Shyǵys Qazaqstan oblystaryna jáne Almaty qalasyna bardy.
Aita keteiik, Ońtústik Qazaqstan oblysynyń halqy - 2,8 millionnan astam, onyń 54,9%-y - aýyl turǵyndary. Oblys ShOB sany, onyń ishinde aýyl sharýashylyǵy ónimderin óndirý boiynsha alda keledi.
2016 jyldyń birinshi toqsanynda 604,2 mlrd teńgeni quraityn OQO óńirlik ónimderin óndirgen. JÓÓ qurylymynda ónerkásip (25,9%), kólik (11,8%), saýda (9,4%), aýyl sharýashylyǵynyń (5,3%) úlesi basym.
Ult portaly
.jpeg)