Karib teńizindegi Sent-Vinset aralynda La-Sýfrier janartaýy oiandy. Qiyndyqqa tap bolǵandardy evakýatsiialaýǵa krýiz kemeleri keldi, dep habarlaidy Vusiness insider.
La-Sýfrier janartaýy mańaiyndaǵy eń qaýipti jerlerden 16 myńnan asa adamdy evakýatsiialaý kózdelip otyr. Olardyń bir bóligi Karib teńizindegi Sent-Liýsiia, Grenada, Barbados jáne Antigýa kórshiles araldaryna ornalastyrylady.
Alaida birqatar araldardyń biligi óz jerine tek koronavirýsqa qarsy vaktsina alǵandardy ǵana kirgizetinin aityp otyr, dep jazady basylym.
Adamdar krýiz lainerine otyrmas buryn vaktsinalaýdan ótýi kerek.
Sent-Vinsent aralynda janartaý atqylaýy 9 sáýir kúni bastaldy. Bul sońǵy 40 jylda birinshi ret bolyp otyr. Dúlei apat saldarynan aral kúlge oranyp, kóptegen úi elektr jaryǵynsyz jáne sýsyz qaldy. Ǵalymdar janartaýdyń atqylaýy áli birneshe kúnge nemese aptaǵa sozylýy múmkin deidi.
