Almatyda keshki qym-qýyt ýaqytta 50-ge jýyq kóshe qiylysynda jol qozǵalysy qolmen retteledi, dep habarlaidy "Ult aqparat".
Kólik kóp júretin qiylystarda qolmen retteý «qarbalas ýaqytta» kún saiyn: saǵat 7.00-den 9.00-ge deiin jáne 17.30-dan 20.30-ǵa deiin qoldanylady.
Taldaý kórsetkendei, tańerteń shyǵys baǵyttaǵy qozǵalys óte tyǵyz, al keshke qalada jol qaýipsizdigin qamtamasyz etý úshin qosymsha kúsh-quraldardy paidalanýǵa týra keledi.
Qolmen retteýge patrýl politsiia qyzmetkerleri men mamandandyrylǵan batalon qatysady.
Aita ketý kerek, birneshe jyl buryn qolmen basqarylatyn kólik joldary eki ese kóp bolǵan.
«Alaida, bul ýchaskelerdiń kópshiliginde qaita qurý, jer ústi jáne jerasty jaiaý júrginshiler ótkelderin salý jáne kólik quraldarynyń ótkizý qabiletin jaqsartýdyń arqasynda keptelis azaidy»,– dedi Almaty qalalyq politsiia departamenti jergilikti politsiia qyzmeti basqarmasynyń bastyǵy Manap Sattarov.
