Bokstan biylǵy Qazaqstan chempionaty qarasha aiynda Shymkentte ótedi, dep habarlaidy "Ult aqparat" Qazaqstan boks federatsiiasynyń baspasóz qyzmetine silteme jasap.
«Qazaqstan boks federatsiiasy 2020 jylǵy ulttyq chempionatty ótkizetin qala retinde Shymkentti tańdady. Erler men áielder bir ýaqytta qatysatyn chempionat 23-29 qarasha aralyǵynda ótedi. Shymkentte respýblikalyq jarystardy uiymdastyra alatyndai mol tájiribe bar. Biz chempionattyń oidaǵydai ótetinine senimdimiz», - dedi QBF prezidenti Keńes Raqyshev.
Shymkentte 2017 jyly erler arasyndaǵy el chempionaty ótken bolatyn. Sondai-aq 2019 jyly áielderdiń bokstan 5-shi Jazǵy spartakiadasy men jastar arasyndaǵy el chempionaty da osy qalada uiymdastyrylǵan edi.
Búgingi kúni koronavirýsty taratpaý jónindegi vedomstvoaralyq komissiianyń málimetteri boiynsha, Shymkent jáne Túrkistan oblysy turaqty epidemiologiialyq ahýaly bar «jasyl aimaqqa» engizilgen. Ol qala men óńirde infektsiia eń az tirkelgen.
«Biz chempionatty ótkizý úshin Shymkenttiń bas sanitarlyq dárigerinen ruqsat aldyq. Barlyq oblystardan komandalardy qabyldaýǵa daiyndalyp jatyrmyz. Bul aimaqtyq erler men áielder komandalary qatysatyn alǵashqy biryńǵai chempionat bolmaq. Ókinishke qarai, biz kórermenderdi shaqyra almaimyz. Áitse de olar barlyq jekpe-jekti kórýge múmkindik alady. Bizdiń federatsiia, árine, komandalardyń da, jankúierlerdiń de kóńilinen shyǵýy úshin jarystardy joǵary deńgeide ótkizý úshin bárin jasaidy», - dedi Shymkent boks federatsiiasynyń atqarýshy direktory Rahmanbek Arǵymbaev.
Chempionat Qazsport telearnasynan kórsetiledi. Uiymdastyrýshylardyń sharttaryna sáikes, komandanyń barlyq músheleri baiqaý bastalǵanǵa deiin COVID-19 virýsy boiynsha test tapsyrýy kerek.
