QR Premer-Ministri Asqar Mamin «Qarapaiym zattar ekonomikasy» baǵdarlamasyn iske asyrý men jergilikti qamtýdy arttyrý jóninde tapsyrma berdi, dep habarlaidy QazAqparat.
«Birinshiden, «Qarapaiym zattar ekonomikasy» jobalaryn odan ári tiimdi iske asyrý úshin jańa sharalar qajet, sonyń ishinde memleket tarapynan kepildikti ulǵaitý qajet. Sondyqtan Ulttyq ekonomika ministrligine múddeli memlekettik organdarmen jáne uiymdarmen birlesip, bir ai merzimde jeńildetilgen kredit berý baǵdarlamasyna túzetýlerdiń jetinshi paketin ázirleýdi tapsyramyn.
Ekinshiden, baǵdarlamanyń barlyq maquldanǵan jobalarynyń ýaqytyly iske qosylýyn qamtamasyz etý qajet. Bul oraida Almaty qalasy, Jambyl oblysy jáne Qostanai oblysy oń mysal bola alady. Al Qyzylorda jáne Atyraý oblystarynda kóptegen maquldanǵan jobalar áli kúnge deiin sýbsidiia berilmegen, atalǵan oblystarda jobalardyń somasy men sany boiynsha eń tómen ósim baiqalady. Osyǵan bailanysty ákimdikterge maquldanǵan jobalar iske asyrylǵansha olardy jedel qoldaýdy qamtamasyz etý sharalary qabyldansyn», - dedi Asqar Mamin Úkimettiń búgingi otyrysynda.
Úshinshi, ákimdikterge ekonomika salalaryndaǵy jergilikti qamtý úlesiniń maqsatty kórsetkishterine qol jetkizip qana qoimai, olardyń belsendi ósýin qamtamasyz etý tapsyryldy. Ol úshin Premerdiń aitýynsha, jergilikti qamtýdy baqylaý jónindegi óńirlik komissiialar alańyn tiimdi jumyldyryp, óńirlik biznes pen mańyzdy tapsyrys berýshilerdi tartý kerek.
«Tórtinshi, jyl saiyn shamamen 7 trln teńgeni quraityn jer qoinaýyn paidalanýshylardyń satyp alýynda da mańyzdy áleýet bar. Halyqaralyq tájiribeden baiqaǵanymyz, otandyq taýar óndirýshilerdi qoldaý úshin jer qoinaýyn paidalanýshylardyń jergilikti qamtý boiynsha erikti mindettemelerdi qabyldaýy bóliginde kelisimder jasalady. Osyǵan bailanysty Indýstriia jáne infraqurylymdyq damý, Energetika ministrlikteri jer qoinaýyn paidalanýshylarmen osyndai kelisimder jasasý bóliginde zańnamalyq túzetýler ázirlesin.
Besinshi, ázirlengen Óńirlerdiń ekonomikalyq kartasy óńirlerdi damytýdyń barlyq negizgi kórsetkishterin biriktirýge, olardy sapaly monitoringteýdi qamtamasyz etip, jedel sheshimder qabyldaýǵa múmkindik beredi. Osyǵan bailanysty Ulttyq palata usynǵan Óńirlerdiń ekonomikalyq kartasyn qalyptastyrý tártibin maquldaýǵa bolady dep esepteimin. Roman Vasilevich (QR Premer-Ministriniń orynbasary Roman Skliar – red.), baqylaý ózińizde», - dedi Úkimet basshysy.
Qorytyndylai kele Asqar Mamin «Qarapaiym zattar ekonomikasy» baǵdarlamasyn iske asyrý jáne jergilikti qamtýdy damytý máseleleri kelesi jyldyń basynda Memleket basshysynyń tóraǵalyǵymen ótetin keńeitilgen otyrysta qaralatynyn atap ótti.
