Baiqaǵanym, sońǵy kezde halyq qatty ózgerdi, úreii artty. Qazaqtildiler sózsiz kópshilikke ainaldy, jastar kóbeidi, al olarǵa jumys pen baspana 2030, 2050 jyldary emes, dál qazir kerek bolyp tur.
Jas, qazaqtildi halyqnyń kóńilinen shyǵý úshin jańa Úkimette máńgúrtter azdaý bolýy kerek. Múldem bolmasa, tipti jaqsy. Óitkeni qarapaiym halyqpen qazaqtildi ministrler ǵana til tabysa alady, basqalar halyqtyń ashýyn keltiredi. Óz oiym.
Qai salalar halyqty eń kóp yzalandyrdy?
Menińshe, birinshiden, bilim salasy - úsh tuǵyrly til, mekteptegi dalbasa reforma, balabaqshalardyń joqtyǵy. Sondyqtan jańa Úkimette Erlan Saǵadiev myrza qala berse, túbi jaqsylyqqa aparmaidy.
Ekinshiden, áleýmettiń aýyr háli halqymyzǵa qatty tiip tur. Madina Ábylqasymova hanymnyń 16 myń týraly sózi halyqty qatty renjitti. Ol da ornynan mindetti túrde ketýi kerek dep sanaimyn.
Al endi halyqtyń arasynda júrgen saýatty adamdar Úkimetke shaqyrylsa, tipti jaqsy bolar edi. Biraq ol ertegi, arman ǵoi.
Búgingi kriziske Parlamenttiń, maslihattardyń da kinási bar dep esepteimin. Halyqtan baiaǵyda qatty alystady. Endi 20-30 jyl otyr ǵoi depýtat bolyp! Tipti Kolbin úshin daýystaryn bergender bar arasynda... Keibir depýtattar ábden sharshady, depýtat bolyp qartaidy. Májilistiń 30%-y resmi zeinetkerler, al ne deisiń, ne suraisyń olardan? Zeinetker úii bolyp ketti ǵoi Parlamentimiz....
Elimizge kóp reforma kerek, áitpese odan da jaman kriziske batyp ketetin túrimiz bar....
Muhtar Taijannyń Facebook paraqshasynan
